Тексты
Вернуться к списку | редактировать | удалить | Создать новый | Статистика | ? Помощь
Iisusan eländä. Jairan tytär
Iisusan eländä. Jairan tytär
карельский: собственно карельское наречие
Новописьменный тверской
Yhen
shodutalon vanhemmalla , Jairalla , oli yksi ainova tytär .Kahentoistavuodizena tytär äijäldi läzeydy .Šilloin hänen tuatto läksi eččimäh Iisusua , kun oli kuullun äijän häneh näh .
Kun Jaira jälgiperäh löydi Iisusan järvirannalla , šuuri arteli oli häneštä ymbäri .Jaira mäni Iisusan luoh , kumarduači hänellä jalgoih da ruguolieči Iisusua tulla piästämäh hänen tytärdä .
Niin Iisus läksi Jairanke , da äijä rahvašta aštu hänellä jällesti .Hyö matattih hil’l’ah i ennein kun tuldih paikalla , Jairalla tuodih viestin : "Tyttäreš jo kuoli .Elä enämbi vaivuta opaštajua ".Kun Iisus kuulušti nämä šanat , hiän šano Jairalla : "Elä varaja , vain uššo "!
Kuin Iisus tuli vanhemman taloh , hiän nägi äijän rahvašta , ne it’kiettih da gor’uidih tyttären šurmua .Iisus šano heilä : "Elgiä it’kekkiä , hiän ei ole kuollun , vain maguav ".Inehmizet nagrettih händä , kun hyö tiettih , jotto tytär jo kuoli .
Iisus työndi kaikki inehmizet pois’ , mäni lapšen tuatonke da muamonke , Pedrunke , Jakunke da Iivananke lapšen luoh .Hiän otti lapšen kiäštä da šano hänellä : "Tyttö , nouže "!
Šidä hengi tuli järelläh tyttöh , i hiän nouzi jalloilleh da läksi kävelemäh .Iisus käški andua hänellä šyyvä .
Ken nägi tädä diivua , ilmoin häpšissyttih .
Iisusan eländä. Jairan tytär
карельский: собственно карельское наречие
Новописьменный тверской