Тексты
Вернуться к списку | редактировать | удалить | Создать новый | Статистика | ? Помощь
Iisusan eländä. Iisusan jälgimäne ildane
Iisusan eländä. Iisusan jälgimäne ildane
карельский: собственно карельское наречие
Новописьменный тверской
Kolme
vuotta Iisus käveli da šaneli jogo paikašša Jumalan šanua , luadi inehmizillä hyvyttä da piäšti läzijie .Rahvaš šuattih händä , vain muakunnan pappilisson i politiikan piäliköt varattih da pihissettih .Žentän hyö luadiečettih niin , jotto kun Iisus tulov Jerusalimah äijänpäivän pruazniekkana , hänen šielä fatittais’ da suudittais’ kun rahvahanjukuttajua šurmakši .
Iisus tieži , jotto niin mänöv .Hiän kuoliis’ ruadi inehmizie jotto hyö piäštäis’ riähistä .Ennein kun piädyö muokilla , Iisus tahto illast’ua jälgimäzen kerran opaššettavinke .Žentän hiän tahto , jotto Pedru da Iivana varuššittais’ heilä kaikilla äijänpäivällizen ildazen .
Kun hyö keräyvyttih šyömäh , opaššettavat ruvettih kiistämäh , ken heistä on enžimäne .Šiidä Iisus otti käzipaikan da veziaštien i rubei pežemäh opaššettavin pölykkähie jalgoida .Tämä oli niillä paikoilla abuniekoin ruado , da tällä hiän tahto ožuttua , jotto opaššettavilla ei pidäis’ olla korgiepiänä .
Ildazella Iisus otti leivän , šano passibot Jumalalla , katko leivän , jago žen opaššettavilla da käški šyyvä .Šidä hiän otti mal’l’azen , pakkoi bluaslovenjua Jumalalda , ando žen heilä da šano : "Juogua täštä kaikin "!
Iisus šano leibiä omakši hibiekši , a viinua verekši .Väliän žen jälgeh Iisusan hibien nuaglittais’ ristih da hänen veri vuodais’ .
No opaššettavat i šiine ei maltettu šidä , midä Iisus pagizi muokkih da šurmah näh .Vain tämä kaikki oli ylen läššä , da yksi heistä väliän myoy Opaštajan .
Iisusan eländä. Iisusan jälgimäne ildane
карельский: собственно карельское наречие
Новописьменный тверской