Тексты
Вернуться к списку | редактировать | удалить | Создать новый | Статистика | ? Помощь
Iisusan eländä. Iisus rissillä
Iisusan eländä. Iisus rissillä
карельский: собственно карельское наречие
Новописьменный тверской
Ruvettih
eččimäh vigua , mistä šyviin voiččiis’ šurmata Iisusua .Vain niidä ei löydyn .Monet valeheldih hänen piällä , vain že kaikki ei šovinnun tovekši .Lopukši vanhembi pappi kyžy Iisusalda : "Oletgo šie Jumalan poiga "?"Olen " – šano Iisus .
Šidä vanhembi pappi šano , jotto Iisus nagratteliečov Jumalašta ymbäri .Kaikki Iisusan vihaznikat nyt oldih šidäže mieldä , jotto Iisus oli viärä da hänellä liev kuolla .Hyö annettih Iisusan rimalazen piälikön Ponti Pilatan suudittavakši .Pilat käški enžistäh lyyvä händä ruošalla , a šidä šuattua tapettavakši .
Rimalazet salduatat viedih Iisusan Golgofa-nimizellä kohalla .Šinne šeizatettih pistyh kolme ristie .Salduatat lyödih nuagloilla Iisusan keškimmäzeh ristih .Šilläže kerdua hyö nuaglittih kakši rozboinikkua , yhen oigiella puolella , toizen – važamella puolella .
Rahvaš šeizottih i kačottih nuaglindua ristih .Monet valdamiehet da salduatat nagrettih Iisusua .Yksi nuaglittu ristih niinže nagro Iisusua .Hiän šano : "Etgo šie ole Jumalan Poiga ?Piäššä nyt iččiedäš da meidä "!A toine kieldi händä : "Myö olemma šuanun oigieh suudun , vain Iisus ei ole luadin nimidä pahua ".I hiän šano : "Iisus , muissuta milma , konža piäžet omahaže valdakundah ".Iisus šano : "Tožieh šanon , jo tämpiänä olet miunke ruajušša ".
Keškipäivällä tuli pimie kaikella mualla .Da Iisus mögähti korgiella iänellä : "Tuatto , šiun käzih mie annan oman hengen "!
Šillä aigua , kun Iisus heitti hengen , rebih jumalankojin välivuattie da tie avaudu Jumalan luoh , mua šärizi i kivet halgieldih .Kun rimalane šadapiälikkö da muut , ket vardeidih Iisusua , nähtih kaikki , midä luadieči , hyö pölläššyttih i šanottih : "Tämä oli tožieh Jumalan Poiga ".
Iisusan eländä. Iisus rissillä
карельский: собственно карельское наречие
Новописьменный тверской