Тексты
Вернуться к списку | редактировать | удалить | Создать новый | Статистика | ? Помощь
Iisusan eländä. Iisus on elošša
Iisusan eländä. Iisus on elošša
карельский: собственно карельское наречие
Новописьменный тверской
Illalla
šinne tuli Ossippa , bohatta arimatilane , kumbane niinže oli Iisusan opaštuja .Hiän mäni Pilatan luoh da kyžy Iisusan hibiedä .Pilat käški salduatoilla kaččuo , ongo Iisus jo kuollun .Kun nähtih händä kuolluona , nin annettih Ossipalla .Hiän kät’ki Iisusan kivizeh kalmah , kumbazen oli varuštan ičelläh varoin Jerusaliman läšše .Kalman šuuh vieretettih šuuren kiven .Tämä päivä oli piätinčä , pruazniekkua vaš .
Šuovatta oli jevreilöin lebävöpäivä , niken Iisusan lähizistä ei männyn kalmalla .No aivokkazeh pruazniekan jälgeh Magdalan kylän eläjä Muarie , kumbazešta Iisus oli ajan šeiččimen lembuo , tuli kalmalla .Šielä hiän nägi , jotto kivi , kumbane oli hauvan šuušša , on otettu pois’ .
Muarie šeizo kalman ulgopuolella da it’ki .It’kiessa hiän kačahti kivikalman šiämeh da nägi , jotto šiine , missä oli Iisusan hibie , istuv kakši anhelie valgeissa vuatteissa .Anhelit kyžyttih : "Mintän itet "?Muarie šano : "Miun opaštaja viedy pois’ , en tiijä , kunne hiän on pandu ".Tämän šanohuoh Muarie kiändy da nägi , jotto Iisus šeizov hänen tagana , vain hiän ei maltan , jotto že oli Iisusa ."Tiijätgo šie , kunne Iisus on viedy "? – kyžy Muarie . Šidä Iisus šano hänellä : "Muarie "!Šilloin vašta Muarie tunnušti Iisusan ."Opaštaja "! – ravahti hiän .
Iisus käški Muariella viijä viesti toizilla , jotto hiän on elavdun kuoleista .Niin Muarie hyppäi opaššettavin luoh da šano : "Mie olen nähnyn Opaštajua !Hiän on elošša "!
Iisusan eländä. Iisus on elošša
карельский: собственно карельское наречие
Новописьменный тверской