Тексты
Вернуться к списку | редактировать | удалить | Создать новый | Статистика | ? Помощь
Valentina Libertsova. Alavozen kirkastu kul’tuurua
Valentina Libertsova
Alavozen kirkastu kul’tuurua
карельский: ливвиковское наречие
Новописьменный ливвиковский
Talvikuun
21. päivänny Alavozen kul’tuurutalois piettih suuri otčottukonsertu .Nygöi sie alalleh ruadau enämbi 20 taidojoukkuo , kerhuo , stuudiedu , jogahine ozutti kyläläzile omii neroloi da vuvven tuloksii .
Alavoizen taigin -teatrustuudiel oli uvven Kozičus-spektaklin enzi-ildu (12+).Kirjutti sen Vera Larionova dai iče ezitti Iivanan-roulin .Ol’oin roulis oli Jevgenija Digujeva .Ohjuajannu täl kerdua ruadoi kul’tuurutaloin johtai Ol’ga Bogdanova .Iivan koziččou Ol’oidu , tariččou vaste kerättyy must’oi-marjua , kuččuu omah kodih puhtahan kaivon da maijokkahan lehmänke , ga eibo naine tahto mennä , kuni sulhaine ei kehoita sidä , mis ei sua kieldävyö .Hierun naizet diivittih , pläšittih , a kaččojat nagrettih .
Kummazet-pajojoukko sežo varusti kaksi uuttu pajuo – livvikse "Tusku " da ven’akse "Hieruine ".Silmii ihaškoitettih heijän karjalazet ruutat .Ihalmo –kandelehel soittajien joukko ei ammui zavodi ezittyö täl laval , ga kyläläzet jo miellyttih sih .Tavallizesti hyö soitettih klassiekkusävelmii , a sit pajatettih Ihalmo-pajon , kuduan sanat piädykauti heile kirjutti Anna Usova , a muuzikan kirjutti Ivan Iljin .Kolmen päivän peräs tiijustimmo , ku Ihalmo-joukko sai Anuksen piirin 2025 vuvven laureattuarvonimen .
Kylmykuun 24. päivänny enzikerran kerävyttih karjalan kielen kursiloih kuulujat .Täl kerdua kursit-treeningat on perustettu Karjalan Rahvahan Liiton Karjalan perindöt teatran laval -projektan hantuzis .Projektu sai kannatustu Karjalan piämiehen grantufondaspäi .Jatkamah muamankielen opastundua tuldih mennyzien kursiloin ozanottajat da erähät uvvet .Opastumah muamankieldy ruvetahgi Alavozen školan opastujat , kuduat kuulutah Enzimäzet-liikkeheh .Lapset opastuttih livvin kieleh algukluasois , nygöi heil suau mustoittua da lujendua omat tiijot .Enzimäzen opastundan teemu oli Uuzi Vuozi .Opastai Antonina Rossijeva varusti krossensan , kuduas on kaikenjyttysty mieldykiinnittäjiä da pädeviä harjaitustu .Kursuniekat mustoitettih jygiet muamankielen iänet , opastuttih Uuzi Vuozi -aihieh kuulujii sanoi , syömizii , Pienele kuuzuole vilu mečäs on -pajon sanat , lugiettih tekstat , ennustukset tuliekse vuvvekse .Katkelman Vladimir Brendojevan runospäi , kui pienete lugiettih tubaretkal , azuttih bumuagas vuvven simvolu – hebo .Oli vessel , niken ei varannuh vastata , kyzyö , nagrua .Lähtijes erähät sanottih : "Hyvä , gu puutui paista karjalakse ".
Alavozen kirkastu kul’tuurua
карельский: ливвиковское наречие
Новописьменный ливвиковский