Тексты
Вернуться к списку | редактировать | удалить | Создать новый | Статистика | ? Помощь
L’ubov’ Baltazar. Kyndäi
L’ubov’ Baltazar
Kyndäi
карельский: ливвиковское наречие
Новописьменный ливвиковский
Kyndömuakse
nygöi harvu
Oman nurmen nostau ,
Leibiä myvväh kaikkie luaduu ,
Himoitannou ostua .
Syöttäjäzel taivahazel
Yhty ainos kyzyn –
Miehel tervehytty anna ,
Kudai muadu kyndäy .
Olgah hänen peldo lagei ,
Olgah ratas luja ,
Anna tulou poudusiädy ,
Orastakkah jyvä .
Jumal , mieldy mučoil anna ,
Kudai kois vuottau ,
Ku ei virkas vastukavai ,
Oldas mielet myödäh .
Olgah kois leiby magei ,
Tulgah luja uni ,
Anna hätken kukkuu kägöi ,
Käit ruatah kuni .
Poijat peräh tuldanehgo ,
Jatkunougo ruado ,
Vai ei mendäs umbeh pellot ,
Kuduat kyndi tuatto .
Kyndäi
карельский: ливвиковское наречие
Новописьменный ливвиковский