Тексты
Вернуться к списку | редактировать | удалить | Создать новый | Статистика | ? Помощь
L’ubov’ Baltazar. Koivuine
L’ubov’ Baltazar
Koivuine
карельский: ливвиковское наречие
Новописьменный ливвиковский
Koivuine-tyttöine , pluat’t’aine valgei
,
Nurmikon keskel lekuttau piädy .
Ei ole kunne lähtie pagoh ,
Sit roih tirpua vilumbua siädy .
Lendelöy tuules kirjavu helmu ,
Muassah kassazet riputah notkiet ,
Vereksel vihandal tulou kai peldo ,
Ladvassah elävät tansitah oksat .
Pluat’t’azel kuldazel kattaldau jallat ,
Talvigi avvuttau , ližäldäy lundu ,
Vihazet terväh mennäh kai hallat
Koivuine maguau valgiedu undu .
Keväine nostattau päiväzen käzil ,
Lennäldäy tuuli puolespäi lämmäs
Hengähtäh pakkaine rungospäi iäres ,
Elavuu kezäkse nurmi dai kangas .
Koivu on linduzil roindukodi ,
Tävvet on ladvas keviäl pezät .
Lennelläh loitos muailmois omis
Ymbäri vuvven , talvet dai kezät .
Koivuine
карельский: ливвиковское наречие
Новописьменный ливвиковский