Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. “Lembi” tuaste suurel laval
Ol’ga Dubitskaja
“Lembi” tuaste suurel laval
карельский: ливвиковское наречие
Новописьменный ливвиковский
Kanzallizen
teatran uvvistetun Lembi-spektaklin enzi-ildu roihes 19. kevätkuudu .
Lembi-spektakli enzimäzen kerran oli ozutettu läs kymmendy vuottu tagaperin da kodvan aigua oli teatran čomenduksennu .Sit tämä spektakli hävii teatran repertuaraspäi .Tänä vuon spektaklii ruvettih ozuttamah uvvessah .
Täl kerdua spektakli on moine , kuigi moni vuottu tagaperin .Ga spektaklin ohjuajan Sergei Proninan sanoin mugah , kui ei sua astuo yhteh jogeh kaksi kerdua , mugai ei sua luadie samanmostu spektaklii ."Spektakli on elävy organizmu . Tiettäväine , nygöi se ei ole moine , kui oli enne ", sanou Sergei Pronin .
Monet akt’ourat , kuduat ezityttih spektaklin enzimäzes variantas , ezitytäh nygöigi , ga jo uuzis roulilois .Sanommo , Julija Kuikka on nygöi piäroulis , a kymmene vuottu tagaperin , konzu häi vie opastui akt’ouran ammattih , oli joukko-roulis .Toizetgi ozuttelijat ollah uuzis roulilois .
Omal aigua spektakli sai Oniegan nuamu -palkindon .Vuvvennu 2008 "Lembi " rodih Marii-Elan Majatul-VII -suomelasugrilazien teatroin kanzoinvälizen festivualin laureatakse .Vuvvennu 2009 moskovalazet nähtih tämän spektaklin Et cetera -teatran laval , konzu Moskovas piettih Karjalan tazavallan päivii .
Spektaklii ruvetah ozuttamah suurel laval suomen kielel , ga rodieu ven’ankieline kiännös .Kaččuo Lembi-spektaklii voibi 19. kevätkuudu 18.00 aigua , Kanzallizes teatras .
" Spektaklih nähte
Spektakli on muanruadajan Helmi-neidizen da tsuarin virgumiehen suvaičukses . Mies tuli karjalazeh hieruh eččimäh niidy , ket maltetah tiedovoija .Rodieugo uskondo suvaičuken kynnyksenny ?Voijahgo "suvaičuksen siivet " pellastua Helmii ?– nämmis kyzymyksis on srojittu ozutelman juondeh .
Ozutelman aigu on XIX-keskilugu , paikku – karjalaine hieru , kuduan eläjien piäruado on joven helmen suamine .Konzulienne Ven’an luodehpuoles helmie suadih äijän da niilöin vuoh sobien čomendamine oli kuulužu .Helmi silloi pyzyi hinnois da sil kai čomendettih tsuarin sobii .Ei petties spektaklin piähengen nimi on Helmi .
" Spektaklin roulilois ollah :
Helmi – Julija Kuikka
Paavo , Helmin tuatto – Vladimir Matvejev
Nasto – Helmin muamo – Elina Veselova
Anni – Helmin sizär – Al’ona Lugovih
Matti-saldattu – Sergei Lavrenov
Tsuarin virguniekku – Andrei Gorškov
Vahnin – Aleksandr Kuikka
Papin akku – Oles’a Leontjeva
Pat’vašku – V’ačeslav Pol’akov
Tiedoiniekku – Ol’ga Portretova
Buabo – Vieno Kettunen .
“Lembi” tuaste suurel laval
карельский: ливвиковское наречие
Новописьменный ливвиковский