Тексты
Вернуться к списку | редактировать | удалить | Создать новый | Статистика | ? Помощь
Nina Zaiceva. Maman holed
Nina Zaiceva
Maman holed
вепсский
Младописьменный вепсский
Minun
tütär - sur' jo , tedan ,
om jo tehnu kodileden .
Pigai tuldas tütred , poigad ...
Nece om -ki elos oiged .
Vaiše en voi minä uskta ,
paksus tuldas meled mustad ,
kenen täht mä nügüd' elän ,
sel'genzoitkat minei , velled !
Rahvaz sanub minei - urad ,
vahvad oma sinun jured ,
tütren täht sä oled - armaz ,
eläd , kuti hüväs sarnas .
Vaiše sarn ei ole elo ,
kut i air ei ole mela .
Airoil soutas - siš om ero ,
melal ohjen anttas peras .
Uskon - elonohjed oiktad .
Vaiše kellut henges soitab :
kutak minun tütär elab ,
om -ik seižnus ozan tele .
Tütres mamal holid nenid
hengen pohjal äjan venub .
Sambu ei se holen lämoi ,
se om sel'ged - olen mamoi .
Maman holed
вепсский
Младописьменный вепсский