Тексты
Вернуться к списку | редактировать | удалить | Создать новый | Статистика | ? Помощь
Aleksandra Lesonen. Lumikilpailut piettih starinamaisešša taigašša
Aleksandra Lesonen
Lumikilpailut piettih starinamaisešša taigašša
карельский: собственно карельское наречие
Новописьменный севернокарельский
Tuiskukuun alušša
Koštamukšešša piettih X Arktini Metsolan polkuja myöten -lumifestivali .
Šen enšimmäini päivä oli omissettu šauvakävelyllä , a toini – hiihtokilpailulla .Tapahtuman istorij ašša enši kertua perintehellisellä matalla ei riittän lunta , min takie järještäjät piätettih šiirtyä hiihtopuolimarafoni Kontokkijärvellä jättyän pois matan meččäoša .
Tuiskukuun 7. päivänä šauvakävelyn harraštajat kulettih nellä kilometrie .Voittajiksi piäsi Vuokkiniemen kakši eläjyä .
Tuiskukuun 8. päivänä hiihtokilpailuih ošallistu Karjalan 100 voimakkahinta hiihtäjyä .Hyö taisseltih palkinnoista 25 ta 12,5 kilometrin matoilla .Omissa ikäluokissa voitettih Alisa Busovikova , Jekaterina Sizova , Matvei Naumenko , Maksim Lukašin , Jurii Mošin , Nikita Voit’uk , Alina Logačeva , L’udmila Romančuk , Tatjana Alikina ta Valentina Šibanova .
Nuorimmat 5–12-vuotiset hiihtäjät taisseltih 100 metrin matalla .
Voittajat ta piäpalkinnon voittajat šuatih lahjoja luonnonšuojelualovehelta , paikalliselta hallinnolta ta Karjalan pelletti -yritykšeltä .
Festivalin vierahat kannatettih urheilij ie , ajettih reješšä ta lapšien mouttorikelkalla , käveltih lumikenkillä .
Tänä vuotena pruasniekan järještäjäh , Koštamukšen luonnonšuojelualoveheh liityttih Arhippa Perttusen šiätij ön aktivistit .Hyö vietettih kaikilla halukkahilla karjalaisie huvij a ta opaššettih karjalaisie šanoja .Tuulitar-tanššikollektiivin ošallistujat viihytettih keräytynyitä tanššiloilla ta kisoilla .
Kakšipäiväseh festivalih liitty starinamaini taigan haltij a Tapio , kumpani ušein näyttäytyy rahvahan ieššä petran muuvvošša .
Lumikilpailut piettih starinamaisešša taigašša
карельский: собственно карельское наречие
Новописьменный севернокарельский