Тексты
Вернуться к списку | редактировать | удалить | Создать новый | Статистика | ? Помощь
Nina Zaiceva. Kurgiden sügüz'
Nina Zaiceva
Kurgiden sügüz'
вепсский
Младописьменный вепсский
Minä
navedin kävuda läheližes mecas üksnäin .Kaiktäna minus ümbri oli hilliz' .Minä heikahtin komedas .Sen -žo aigan purskahti rightiden siriči pen' linduine .Se ištui läheližel pun oksaižel , no paks lehtišt peiti sen hüvin kaikiš sil'mišpäi .Sid' jaugoiden alpäi hüppähti heredas pen' hirüt .Se oli ani minun jaugoidenno , no minä en homaičend sidä .Se oli hahkaine mujul , oksaižed da samal jaugoiden al oliba mugažo hahkalaze .
Ühtnägoi ken -se skokkahti judunke tele läbi madaloiš penshaižiš .Minä eskai pöl'gästuin .A nece oli pit'kkorvaine jänišut .Se iče pöl'gästui mindai i teravas pästi pagod mununnopäi .
Äkkid minä kulištin kukurdan .Minä kacauzin taivhaze .Sigä lendi levedali i lujas alahali kurgiden jouk .Ned lendiba čomal sarvel i , tedan , oliba vaiše libunuded läheližes sospäi i ei ehtnügoi völ libuda ülemba .
Teravas tuleb möhsügüz' .Kurged lendaba jo lämihe maihe .Opal kosketi minun südänt .Oli mugoine tundmuz , miše minä kaimdan ičein sil'mil jäl'gmäižen kerdan nenid čomid linduid .No ved' tuleb keväz , i kurged pördasoiš kodimale .Ka mikš muga poltab südänt i porotab henged ?
Kurgiden sügüz'
вепсский
Младописьменный вепсский