Тексты
Вернуться к списку | редактировать | удалить | Создать новый | Статистика | ? Помощь
Joga kois oli ylen äijy lammastu
Joga kois oli ylen äijy lammastu
карельский: ливвиковское наречие
Ведлозерский
Minä
rodimmos Lamminsellän kyläs .I rodimmos sie dai eliin kymmeneh kluasassah .Minä ainos mustelen , konz en voi sie uinota libo midä , kui myö eliimmö , konz olimmo pienena lapsena .I suvaičin ylen kezä iän .Kezäl myö olimmo kois yhtiöt , muamo da tuotto käydih ruadoo .Meile oldii ainos zobotat : pidi vetty kandua , ildaine keittiä , konz vie tullah ruavospäi , štob olis ildaine , sie uberie .Vot .I joga kodis oli žiivattua äijy .I meile tože oli lehmy i äijy lammastu .A kylä meil oli pieni .I joga kois oli ylen äijy lammastu .I kaikil hoz'aikal oldii omat tipoizet lambahil .I myö sizären kel , a lammastu-ko oli äijy , i häidy pidi eččie kai ildu , otimmo keral ainos leibie .Poka ečimmö kaikkiel lambahii net , ei yhten kerran net leivät syömmö , i järileh kodih nel’l'uommo , i op’at’ otammo net leivät .Vot .No lambahat vie terväs sie tabuammo , a viehäi oldih bošit .A bošit ei nikui , ei nikui kodih tuldu .Sit pidi heid eččiä ildat i myö sizären kel sie lövvämmö oman bošin , muanitammo leiväl i sarvis tašiimmo .Yhten kerran myö sizären kel tašimmo sidä boššie , kačo muga taganpäi : meijän peräh nel’l’ou toine bošši .Myö muga pöllästymmö sizären kel .Oma bošši sie däi .Muga nel’l’oimmö terväh daže tuakse emmo kaččonuiš enämbi , pageta vai .Vot se ainos oli mieles se moine , se istorii piäs .
Joga kois oli ylen äijy lammastu
карельский: ливвиковское наречие
Ведлозерский