Тексты
Вернуться к списку | редактировать | удалить | Создать новый | Статистика | ? Помощь
Ol'ga Jurjevna Žukova . Vauged jäniš
Ol'ga Jurjevna Žukova
Vauged jäniš
вепсский
Младописьменный вепсский
Vilun
da pit’kän tal’ven jäl’ghe tuli keväz’ .Mecas suli lumi , kazvaškanziba heinäd da änikod .Puiš i penzhiš ozutihe lehtesed .
Hirüt läksi ičeze uruspäi , kacuhti polehe , toižehe i joksi ecmaha mittušt-ni sömäd .
Hirüt homaiči , miše penshan alembaižed barbaižed säraidaba .Ken-se sigä ištub .Hirüt tuli lähemba i nägišti vauktan jänišan .
– Midä sinä peitatoi ? – küzui hirüt jänišal .
– Kacu , mitte minä olen – vauged . Keväz’ tuli , a minä jäin vauktaks .Tedan , keväz’ kurttui minun päle i ei andand hahkad karvad .Nügüd’ mindai hüvin nägub , minä varaidan .
– En teda , kut abutada-ki sinei , – sanui vastha hirüt . – Tarbiž kel-ni küzuda , ken om vanhemb i melekahamb . Mängam , keda-ni vasttam .
I tönduiba hö mecadme ühtes .
Jäniš da hirüt nägištiba hirben , kudamb söi penzhištos lehteižid ,i sanuiba hänele jänišan gor’as .
– Keväz’ ei ole värnik , – vähäižen meletades sanui hirb , – om mugoižid živatoid i linduid , miččed kaiken aigan oma vauktad ,nece om harvinaine i čudokaz azj .
– A kut minä eläškanden vauktan , ved’ kezal minä en voi peittas .
– Sinä uitos redul voite i linned must , – nevoi hänele hirüt .
– Midä-se minä en tahtoi uitho ličtas .
Sid’ hirüt homaiči , miše jänišan händaine tegihe hahkaks .
– Kacu , sinun händ om hahk , sinä ed ole čudokaz jäniš , sinä oled mugoine , kuti kaik toižed jänišad ,i linned hahkan .
– Ka , hüvin ! – ihastui jäniš , – tedan minä hätken ištuin ičeze peitos , i keväz’ ei löudand mindai , sikš möhemba hahkištun-ki .
Vauged jäniš
вепсский
Младописьменный вепсский