Тексты
Вернуться к списку | редактировать | удалить | Создать новый | Статистика | ? Помощь
Ol'ga Jurjevna Žukova . Kezalebu küläs
Ol'ga Jurjevna Žukova
Kezalebu küläs
вепсский
Младописьменный вепсский
Pühäpäivän
vanhembad toiba Mašoid külähä .Kaikuččen voden hän ajelihe kezalebule babannoks i dedannoks .Heiden külä oli pen’ , i kut hüvin oli sigä kezal – vända da gul’ai valdal .
Mašoi heraštui homendesel robaidusespäi .Kului , kut baboi emägoičihe keitimpoles .Mujuškanzi pašttud kürzil .Neičukaine libui , tuli keitimpolhe .
– Sinä , laps’ , nouzid ! Nu , mäne peste da lämid kürzid ištte sömha !– sanui baboi .
Natoi pezihe , pani päle parahiman kezasarafonan i tuli murginoičemha .
– Baboi , sinun kürzad oma kaikid magukahambad , mamoi ei mahta muga paštta , – södes sanui Mašoi .
– Ka , mugoine käzitego minai om – muhahti vastha baboi .
– Nügüd’ minä irdale mänen , – heikahti Mašoi i lipsahti ukshe .
Sid’-žo baboi kulišti Mašoin vingahtust i loihe irdale .
– Midä tegihe ?
– Sigä om hir’ , pordhil venub ,– ozuti kädel seižui pertedeses Mašoi . Baboi läksi pordhile , kus venui pen’ pit’khändaine hir’ .
– Ala varaida , nece meiden kaži toi hiren . Mus’oi paksus taboiteleb hirid , no ei sö niid , a kandišeb pordhile , emägoile ozutab .Emäkažid oma hüväd mecnikad .
Baboi oti labidon i vei hiren pertin taga .Konz neičukaižel läksi pöl’gästuz , hän sanui :
– Tarbiž linneb Vas’koile maidod antta , konz kodihe tuleb , da pakita ei toda enamb hirid ani pordhile .
Mašoi läksi gul’aimaha , a päs hänel meletuz punoihe – naku kut zavodihe minun kezalebu ,midä völ edemba mindai varastab .Linneb midä starinoita sügüzel školha tuldes .
Kezalebu küläs
вепсский
Младописьменный вепсский
–
Каникулы в деревне
русский
–