Тексты
Вернуться к списку | редактировать | удалить | Создать новый | Статистика | ? Помощь
Ol'ga Jurjevna Žukova . Kadonu kaži
Ol'ga Jurjevna Žukova
Kadonu kaži
вепсский
Младописьменный вепсский
Oli
meil kaži .I mugoi laskav da čudukaz oli nece kaži – miččele taht ristitule , i ani verhale , tuleskeli üskha , silitelihe , käzihe andoihe .Meiden kanzas kaik lujas navediba necidä pakušt , karvakast kažid .I ühten kerdan meiden armaz kanznik kadoi .Ei tulend kodihe kogonaižes päiväs .I toižel , i koumandel päiväl ei nägund meiden armast živatašt .Mö sizarenke ecim kažid ümbri kodiš , kucuim kaikjal .Oli muga žal’ kažid , mö eskai värižim koumen kesken : mamoi , minä da noremb sizar .No kaži muga kadoi-ki .
Mäni koume päiväd .Kut-se ehtal tuli kodihe tatoi pidädes kädes meiden kažin .A sil šlik lihad hambhiš , pidäb da ei pästa .
– Naku teiden kaži-ki om , – sanui tatoi . – Tedad , kus se oli ?
I tatoi starinoiči , miše dedoi kävui aitaižehe lihad tomha keitoseks i ei homaičend , kut kaži vil’skahti hänen jäl’ghe .Dedoi oti lihad i läksi , saupsi kažin sinna .Nene päiväd kaži eli lihan keskes , lihad söi , lihal magazi ,a mö hödhüvin värižim .
Niken ei lajind kažid södud lihas , a mö olim ihastusiš – ved’ armaz kodiživataine löuzihe !
Kadonu kaži
вепсский
Младописьменный вепсский