Тексты
Вернуться к списку
| редактировать | удалить | Создать новый
| Статистика
| ? Помощь
Nina Zaiceva.
Virantanaz. 6. Vanhas virantanhas
Nina Zaiceva
Virantanaz. 6. Vanhas virantanhas
вепсский
Младописьменный вепсский
Ani jogen randal
süvän järven rindal
oli Viran tanaz,
hänen kodi armaz.
Viran nor’ ak Aira
ottud oli sarel.
Lapin kanz sil eli –
erotihe kelel.
Vaiše Aira vepsäks
pagiž ani sel’ktäs.
Tezi hän i pajoid,
voikuid eskai pajat’.
Neižne Aira nece –
mäne ningošt eci! –
mugoi čomakulu:
mustad hänen kulmad,
muzavaižed sil’mad...
Nägištades – il’mad
Virale ei täudund...
Sai-ki oli sätud.
Aira tuli kül’hä,
eli pertiš ül’häs
armastuses sures.
Pereh pani juren...