Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Olgua tervehen, syögiä metty!
Ol’ga Dubitskaja
Olgua tervehen, syögiä metty!
карельский: ливвиковское наречие
Новописьменный ливвиковский
Projektu
"Karjalan mezi .Fermeran talovuon kehittämine " rodih toizekse parahakse kolmeskymmeneska - heksas kilbah työtys .
Oraskuus lopih kilbu , kuduas palkindonnu oldih abudengat algajile fermeroile .Kaikkiedah kilvan arvostuskomissieh oli annettu 38 projektua Karjalan tazavallan kymmenes piirispäi .Kilvas oli kaksi vuoruo .Toizeh vuoroh piäzi 32 fermerua , parahikse roittih fermeroin 15 projektua .Voittajien joukos toizele sijale piäzi petroskoilaine Dmitrii Spirkov .
Abu da kannatus ollah hyvät
Piätimmö vastavuo nerokkahien biznesmiehien kel .Paginale minun kel tuli kaksi nuordu brihua – Dmitrii Spirkov da Mihail Šabanov – Karjalan mezi -laitoksen alguhpanijat ."Karjalan mezi " on perustettu vuvvennu 2016, se on vie ylen nuori laitos . Firmas on kakkiedah kolme hengie ruadajua , ga sen piäliköt tahtottas ottua ruadoh ližiä .
– Konzu "Karjalan mezi " oli jo registriiruittu , myö piätimmö yhtyö Muantalovuon ministerstvan kilbah , sanou Dmitrii .
– Myö iče valmistimmo kai dokumentat , kirjutimmo biznespluanan da annoimmo net kilvan valmistuskomitiettah , jatkau Mihail .
Brihoin sanoin mugah nygöi heil on dengua srojie talovushuonukset , ottua ruadoh uuttu ruadajua da ostua kimalehtu .
– Grantan den’gat on suuri abu , kaččomattah sih , ku pidäy kirjuttua äijy sellitysty , kunne on pandu den’gat , nagrau Mihail .
Nuori biznesmies peitoči sanoi , ku kimalehien hoidamine ei ole heijän piäruado , ga se on muga mieleh heile , ku hyö tahtottas opastuo kimalehien hoidajikse .Sanakse , Ven’al on mostu instituuttua , kudualois valmistetah kimalehien hoidajii .
"Karjalan mejen " histourii
Kai algavui ammui , konzu Mihailan tuatto osti kimalehtu da azetti kimalehien "kodazen " duačan toizeh kerrokseh . Mihailan tuatto ammattii myöte on biolougu , sendäh händy ainos miellytti "kimalehien muailmu ".Hänen mieles niilöin hoidamine on hyövylline luondoh da ristikanzoih niškoi .Konzu kimalehet n’okittih susiedua , hyö piätettih siirdiä pezät toizeh kohtah .Nygöi kimalehet ollah D’ärvenojan kyläs .
Kimalehien hoidamizes Mihail on jo kaheksa vuottu , Dmitrii vaste viizi .
Dmitrii kiinnitti mieldy täh ruadoh jo yliopistos kolmandel vuozikursal opastujes .Sinävuon heil yliopistos oli kimalehien hoidamine -opastusaineh .Häi iče osti kimalehtu da joga keziä kolmandes vuozikursas algajen oli kimalehien pezistös .Ammattii myöte Dmitrii on agronoumu .
Mejeh nähte
Karjalas kazvattua kimalehtu on vaigei sendäh , ku meil on kova ilmu .Monet kimalehet kuoltah talvel , sendäh joga kevätty pidäy ostua uuttu kimalehtu .Ven’an suvipuoles on enämbi kimalehien hoidajua , ga karjalaine mezi on parembi sendäh , ku suves on kazvostu yhty luaduu , a Karjalas on eriluadustu kazvostu .Moine "vägevy mezi " rodieu lyhyön kezän periä .Kimalehil pidäy kolmes kuus kerätä metty kogo talvekse .
– Äijängo metty ehtitäh kerätä kimalahet kezän aigua , rippuu siäs da lämmäs . Mezi roiteh muga : nektuaru kukkazes nouzou , konzu on enämbi 16 astettu lämmiä da on poudu , nevvou minule Mihail .– A ku ei ugodei mostu siädy , sit ei rodei ni metty . Karjalas tärgevin kazvos , kuduas kimalehet kerätäh metty , on hormu .Se kukkiu ei muga hätken , ku net ehtittäs kerätä äijän metty , jatkau nuori mies .
Kyzymykseh , mindäh hyö vallittih juuri kimalehien hoidamizen , miehet vastattih , ku moizes fermeran talovuos ei pie tappua nikedä ."Myöhäi avvutammo kimalehii ližävymäh . Kezän aigua kimalehparves rodieu kaksi ".
Yhtehizes ruavos
– Niken ei tiijä , äijygo kimalehien hoidajua on Karjalas sendäh , ku hyö kaikin ruatah omah iččeh niškoi .Puaksuh suures kyläs rahvas ei tietä , ongo vie kedätahto , ken hoidau kimalehii , sanou Dmitrii .Kimalehien hoidajat pietäh yhtevytty toine toizenke ,sanellah omas ruavos da annetah nevvuo .Myö emmo ole konkurentat , myö avvutammo toine tostu , jatkau Dmitrii .
"Karjalan mezi ", kuigi toizet kimalehien hoidajat , ei myvvä metty laukois . Brihat nevvotah , ku pidäy ostua metty vaiku tuttavil kimalehien hoidajil .Olgua tervehen , syögiä metty !
Kimalehet
– Kimalehet eletäh läs 40 päiviä .
– Kimalehet nikonzu ei muata .
– Kimalehien pezäs ainos on 36 astettu .
– Mejen luaduu miärätäh diastaza-fermentan avul .
– Mezi ližävölöinke ei ole luonnolline .
– Metty ei sua lämmittiä enämbän 40-50 astettu .
– Kimalehen myrky on toksillizembi , migu kobrumavon myrky .
– Kimalehien mieles jogahine , ken on heijän pezän rinnal , on kondii .
– Kimalehet varatah mustua värie , net duumajah , ku se on kondii .
– Kimalehet paiči metty annetah vie propolisua , zabrus - da perga-ainehtu (kimalehien leiby ).
– Kimalehien tuottehes luajitah kosmietiekkua , rohtuo , sportusyömisty .
– Kitais on rahvastu , kuduat käzin pölytetäh kazvoksii .
Olgua tervehen, syögiä metty!
карельский: ливвиковское наречие
Новописьменный ливвиковский
–
–
Дубицкая Ольга
Будьте здоровыми, кушайте медок!
русский
–
–