Тексты
Вернуться к списку | редактировать | удалить | Создать новый | Статистика | ? Помощь
Uljana Maksimova (Tikkanen). Kuin šäilytetäh Karjalan taituo?
Uljana Maksimova (Tikkanen)
Kuin šäilytetäh Karjalan taituo?
карельский: собственно карельское наречие
Новописьменный севернокарельский
Karjalan
taitomusejon kokoelmissa on 17 tuhatta taitoesinehtä .Niistä näyttelyjen aikana voijah panna esillä vain 600 kappalehta .Kaikki taitoesinehet šäilytetäh ahkerašti fondiloissa , kunne voit piäššä vain fondin ruataja .Ihmisien ei šua olla šäilöššä , šentäh kun tilašša heti muuttuu lämpötila ta košteuš , mi pahoin vaikuttau taijon šäilymiseh .
Šulakuušša fondien ruatajat avattih ovet eryähih tiloih ta kučuttih taijon harraštajie opašretkilöih .
Joka kerta näytetäh eri kokomukšie : veššokšie , grafikkua , mualaukšie , käsitöitä , oprasoja .Fondin ruatajat kerrotah šuurimmista veštäjistä ta taiteilijista , kumpaset kehitettih taituo Karjalašša ta luajittih oma panoš šen monimuotoisuoh .Karjalan taito on nuori , ka omaluatuni .Šiih huomattavašti vaikutti pohjoni luonto ta pohatta istorija .
Opašretki keštäy kakši tuntie ta šen aikana voipi tiijuštua , jotta grafikkua pitäy šäilyttyä vuakašuorah , a mualiloilla mualattuja tauluja päinvaštoin vain pistyšuorah puisissa ruamiloissa .Kaikki veššokšet šäilytäh enšimmäiseššä kerrokšešša valkiet šäkit piällä .
Kävijä šuau tietyä , jotta taitomusejošša on šäilöššä noin 2500 oprasua .Niijen restaurointi on vaikie ta monimutkani ruato .Enšin oprasua tarkkah tutkitah .Ikoni annetah rentgenih , tutkitah ultraviolettišäteijen valošša ta šiitä restauroijah käyttyän mikroskoppie .Ruatoh mänöy hyvin äijän aikua .Restauroččijat lašettih , jotta još käyttyä niitä varoja , kumpaset nyt on musejošša kaikkien oprasojen restaurointih , ni mänöy noin 400 vuotta .Eryähie tauluja šuau nähä vain šäilöššä , šentäh kun eri šyistä niitä ei šua panna esillä näyttelyissä .
Lisäkši fondissa on auki tila , missä voipi tutuštuo Odissein kirjat -projektih .Šen luatija on kuvataiteilija ta teatteritaitelija Sergei Terentjev , kumpani tänä vuotena ois täyttän 70 vuotta .
Viimeni retki fondiloih pietäh 26. šulakuuta .Ošallistuo šiih voijah vain 14 vuuvven vanhemmat ihmiset .
Kuin šäilytetäh Karjalan taituo?
карельский: собственно карельское наречие
Новописьменный севернокарельский