Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Rastavan tiähten ual
Ol’ga Dubitskaja
Rastavan tiähten ual
карельский: ливвиковское наречие
Новописьменный ливвиковский
Mennyt
piätteniččän , enne luterilastu Rastavua suomelas-ugrilazeh školah kerävyi äijy rahvastu .Sie piettih karjalan , vepsän da suomen kielen opastujien linnan kilbu "Rastavan tiähti ".Kilvan avajazih suomelas-ugrilazen školan opastujat , opastajat da gost’at kerävyttih pruazniekkuzualah .Pidäy mainita , ku sinäpiän Lönnrotan školah tuli gost’ua Petroskoin školis n :o 2, n :o 5, n :o 34 da gimnuaziespäi n :o 17.Sie lapset gnuomoin hattulois tansittih da pajatettih Rastavan pajoloi .Sen jälles lapset lähtiettih jogahine omah kluassah .
Minule puutui kävähtiäkseh pertih , kuduas 5.–7. kluasoin lapsil oli karjalan kielen livvin murdehen kilbu .Kaikkiedah oli viizi stansiedu-harjaitustu – Rastavan tulet -sanatestu , Rastavan tiedäi -testu , Minun perehen Rastavu -stansii , kuduas pidi sanella , kui Rastavua pietäh perehes , Rastavan peittožuot -filvordu da Rastavan unelmu -stansii , kuduas lapset ozutettih käzin luajittuloi čomenduksii Uvvekse Vuvvekse .Pidäy sanuo , ku harjaitukset oldih jygiet .Lapsile pidi vastata kyzymykseh , ezimerkikse , ken muutti Uvven vuvven piendän päivän syvyskuus pakkaskuuh .
Erähät lapset ozutettih ylen hyvät tulokset – hyvin piästih testois läbi , hyvin saneltih da vastattih kyzymyksih .Ga , tiettäväine , ainos on himo piästä korgiembale , kielihäi on "pohjatoi kaivo ".Himoittas toivottua lapsile lykkyy karjalan , vepsän da suomen kielen opastumizes , a opastajile – nerokkahii opastujii .
Rastavan tiähten ual
карельский: ливвиковское наречие
Новописьменный ливвиковский