Тексты
Вернуться к списку | редактировать | удалить | Создать новый | Статистика | ? Помощь
Сидоркин Валерий. Šota ta rauha naisen šilmin
Сидоркин Валерий
Šota ta rauha naisen šilmin
карельский: собственно карельское наречие
Новописьменный севернокарельский
Ajatuš
näyttelyn luatimisešta tuli smolenskilaisella taiteilijalla Al’ona Drozdovalla puolitoista vuotta takaperin ta kohta šen kannatti taiteilija Žanna Tsinman Tulašta .Projektin yjin on šiinä , jotta miehet ta naiset ymmärretäh šotua eri tavoin .Miehillä šota on Tuatonmuan puoluššuš , taistelukennällä näytetty rohkevuš .Naisilla šota on šuuri tragedija , kumpani viey pois tuhanšien ihmisien elämie , rikkou rauhallisie perintehie ta kotiliesie .
Työnnettyö omie miehie ta poikie rintamalla naiset moliuvutah heijän elämistä , jälelläh myöštymiseštä ta rauhan tulošta .Šamoin hyö autetah voittuo rintaman šelkämällä .
Kohta Šota ta rauha naisen šilmin -projekti kannatettih taiteilijat Jekaterina Jepihina Smolenskista ta Svetlana Košeleva Tulašta šekä petroskoilaiset Nelli Grigorjeva ta Julija Korosova .
Šamoin yhtehiseššä näyttelyššä esillä on smolenskilaisien taiteilijien Vera Samarinan ta Nina Agejevan töitä .Molommat keššettih vuosien 1941–1945 šota ta tuanoin šiirryttih tuonilmasih .
Tauluissa Šuuren Isänmuallisen šovan , Afganistanin šovan , Čečenin šovan ta nykysen erikoisšotaoperatijon aihiet yhissytäh Venäjän rauhallisen elämän aihieh .
Enšin Šota ta rauha naisen šilmin -näyttely esiteltih Smolenskissa , šiitä Tulašša ta Murmanskissa , ta nyt še toimiu Petroskoissa .Kävijät šuahah tutuštuo šiih 17. oraškuuta šuaten .Šen jälkeh šitä esitelläh Karhumäješšä ta Segežašša .
Šota ta rauha naisen šilmin
карельский: собственно карельское наречие
Новописьменный севернокарельский