Тексты
Вернуться к списку | редактировать | удалить | Создать новый | Статистика | ? Помощь
Algusanat
Algusanat
карельский: ливвиковское наречие
Новописьменный ливвиковский
Liennöygo sie
konzu olluh , vaigo ni olluh ei , a sanottih vahnu rahvas , buito ku endizih aigoih , mene tiijä konzu , eli Kindahan kyläs eriskummaine rahvas .Elettih hyö hyvin . Elettih omua elostu , ruattih omii ruadoloi : kynnettih , kylvettih , vil’l’ua kazvatettih , kodiloi strojittih , käydih kalah da meččäh .Tol’ko ei kaikel aigua tietty , midä pidäy ruadua .Heil oli Priäžäh kaksitostu virstua .Sit hyö ainos käydih sinne kaččomah da kyzelemäh , midä konzugi Priäžäs ruatah .Keviäl nähtäh , sie muzikat halguo leikatah , dai Kindahas alletah leikata halguo , i muga leikatah , kai meččy räškäy . A meččiä Kindahas täydyi kylläl .Toi i kai kylvön aigua halguo leikatah , nikui ei voija heittiä .Sit tuas te tostavutah , kentahto del’noimbi juoksou Priäžäh tiijustamah , midä nygöi ruatah .Alletah kyndiä , libo kylviä , libo heiniä niittiä . Ainos dielot mendih hyvin .A toi i vie Priäžän mužikat nareko šuutittih , da sit Kindahan mužikkoi nagrettih , ku liennöy heil dielot mendih pahoin .A yksikai hyö ei suututtu , tuaste Priäžäh juostih .
Algusanat
карельский: ливвиковское наречие
Новописьменный ливвиковский