Тексты
Вернуться к списку | редактировать | удалить | Создать новый | Статистика | ? Помощь
Tuohisiivet
Tuohisiivet
карельский: ливвиковское наречие
Новописьменный ливвиковский
Mugai käydih
Kindahan mužikat Priäžäh .A jongoi heil rodih huigei kävvä ainos ruadoloi tiijustamah .
Erähänny piän kerävyttih hyö yhteh sijah i tolkuijah :
— Kui nygöi nečie tiijustua , midä Priäžäs ruatah ?
Yksigi löydyi artelis viizas i sanou :
— Miehet , davaikkuas vai kenentahto nostammo neččih mäin piäl olijah korgieh kuuzeh ! Sit myö tiijustammo , midä Priäžäs ruatah .
Artelin dielosgi löydyi yksi julgei mies , soglassihes .
A puu alaha i suuren palan on aiven šuorei , eigo ole oksua , eigo pahkua .Davai mužikat händy artelilleh nostamah : kengo hangol auttau , kengo sablahal , kengo seibähäl .
Nouzi , sai käit oksih , nouzi juuri ladvah , ažno ladvu čurah toizeh häilyy , čut ei katkie .Alahannu olijat kyzytäh :
— Nägyygo Priäžy ?
Häi sanou :
— Priäžy nägyy , ga enbo näi , midä ruatah !
— Ah mekkeli , midäbo nygöi ruammo ?
Davai hyö tuohes siibilöi azumah , stobi yläh lennähtäs .Laskevui mužikku alah , azuttih hänel siivet kui linnul i sanotah :
— Konzu nouzet juuri ladvazeh , sit hypästäi yläh päi lendämäh , etgo sit näi !
Mugai ruadoi .Da gu , velli syöttäi , ummuu alah da juuri kannon piäh istoi , kai leugu meni viäräh .Toizet kačotah , iče sanotah :
— Ka o , kehno , yksin tiijusti , sit vai nagrau , a meile ni sano ei .
Davai korval händy , miks’ei sano , on vaikkaine .A mužikku odva hengih jäi moizes lendämizeh .
Tuohisiivet
карельский: ливвиковское наречие
Новописьменный ливвиковский