Тексты
Вернуться к списку | редактировать | удалить | Создать новый | Статистика | ? Помощь
Talkun lähties
Talkun lähties
карельский: ливвиковское наречие
Новописьменный ливвиковский
Vot
yhtenny talven Kindahan mužikat lähtietäh linnah talkunan kel .Nygöi varustetah kai läntendäh niškoi , dai erähänny huondeksen lähtietäh viijeltostu hevol .Ajetah , ga heile rodih nälgy .Yksi sie i sanou : — Pidäs syvvä .Davaikkua midä tahto duumaičemmo .(Juuri järvie myö ollah ajamas ). Toine sanou : — Talkunua meil on , ajammo järvie myö .Sevoitammo talkunan lähtieh !Emmohäi nälläs rubie ajamah .Kuatah huavo talkunua lähtieh , sevoitetah , eibo nimidä rodinuh , yksi notkei on ainos .Sit kuatah toine huavo , yksikai ei saguo .Sit kolmas , nelläs — ei nimis nimidä .Muga kuattih huavo huavon peräh , a talkun ei sagonuh .Sit davai hyö kiruomah .Yksi mužikkugi sanou : — Vuotas minä lähten tiijustan , mih nenne talkunat mendih .Hyppäi lähtieh , sinne pohjah , a toizet vuotetah vieštii .Vuotetah , a eibo nikedä nikuspäi jiävei .Sanotah : — Ka o , kehno , meni sinne da yksin syvvä tahtou kai talkunat .Vuotas minä lähten tiijustan !ukeldihhäi , vai uhuu nouzou pohjas .Myös nikedä ei tule .Vie toine ukeldah .Muga yksitellen hypittih kaikin vedeh , nikedä ei jiännyh .Hevot tyhjilleh tuldih kodih , ni talkunua , ni ižändöi .
Talkun lähties
карельский: ливвиковское наречие
Новописьменный ливвиковский