Тексты
Вернуться к списку | редактировать | удалить | Создать новый | Статистика | ? Помощь
Kukonmäjen poliklinikkua kohta avatah
Kukonmäjen poliklinikkua kohta avatah
карельский: собственно карельское наречие
Новописьменный севернокарельский
Karjalan
piämieš Artur Parfenčikov tarkašti objektin valmehutta .
Kukonmäjen poliklinikan nykyaikani filiali on rakennettu Pitkä ta aktiivini elämä -kanšallisprojektin rajoissa .Kaikki rakennuštyöt on lopetettu .Poliklinikkah on jo ašetettu mammograffi , rentgenilaiteh , endoskoppija , ultraiänilaittehie ta muita .
– Diagnostiikka šemmosilla laittehilla antau löytyä tautija alkuvaiheissa , mi on tosi tärkietä eläjillä . Šamah aikah ruamma lisenssijoinnan alalla – nyt vuatimukšet liäketiijolliseh apuh ollah melko ankarat .Meijän pitäy šuaha yli 60 lisenssie .Olemma alkan ruatuo , šelitti Artur Parfenčikov omalla lehistöpalvelulla .
Neuvotteluh ošallissuttih poliklinikan piäliäkäri Ol’ga Bilko ta Petroskoin neuvošton deputatti Andrei Ušakov .
– Vielä kakši ta puoli vuotta takaperin šiinä oli autivo , a nyt on uuši poliklinikka . Še on luajittu yheššä eläjien , halličukšen , kaupunkin hallinnon ta deputattien kera , korošti Ol’ga Bilko .– Poliklinikka on mainijo . Oša laittehista on jo oššettu .Valmissamma spesialistija – nyt yli 60 henkie opaštuu tarkotušmiäräykšien mukah .
Nykyaikaseh nelläkertaseh rakennukšeh ašetetah terapeftiošašto , diagnostiikkapalvelu , hoito - ta rokotušhuonehie , liäketiijollisen šuojelun ošašto , spesialistien ta enšiavun huonehie .
Kukonmäjen poliklinikkua kohta avatah
карельский: собственно карельское наречие
Новописьменный севернокарельский