Тексты
Вернуться к списку | редактировать | удалить | Создать новый | Статистика | ? Помощь
Сидоркин Валерий. Valon talon merkkipäivä
Сидоркин Валерий
Valon talon merkkipäivä
карельский: собственно карельское наречие
Новописьменный севернокарельский
Jessoilan pos’olkan Kielen
kirju - etnokulttuurikeškukšen tiloissa peruššettu lapšien Valon talo -taitostudijo on täyttän 20 vuotta .
Taitostudijon peruštajana ta johtajana on Oleg Obnosov .Hiän on šyntyn Leningradissa .Mieš opašti tekniikkua ta taituo .Vaikiella 1990-luvulla Oleg Nikolajevič mänetti työpaikan .Eččiessä parempua ošua hiän äijän matkušti muata myöten ta eli äšen Kazahstanissa .
Šiitä tiet tuotih Oleg Obnosovin Karjalah .Enšin hiän ašettautu elämäh Karhumäkeh ta oli vapuana taiteilijana .Kerran paikallisen musejon pitämäššä näyttelyššä mieš tutuštu tunnettuh petroskoilaiseh taitomualarih Badri Topurijah .Taiteilijat tultih yštäviksi .
20 vuotta takaperin Oleg Nikolajevič piätti šiirtyö Jessoilah . Šamana vuotena hiän perušti lapšien Valon talo -taitostudijon .Mieš opašti paikallisie lapšie ta teini-ikäsie mualauštaitoh , ta šen lisäkši taiteilijalla tuli ajatuš tuttavuššuttua heitä piirrošfilmien luatimiseh .Enšimmäisenä oli Kyläššä ämmön luona -piirrošfilmi , kumpani šai lämpimie arvošteluja paikallisilta eläjiltä .
Piirroš - šekä kukla - ta tietokonehfilmijä varoin taitostudijon johtaja ta hänen kašvatit löyvetäh eri aiheita .Esimerkiksi , hyö käytetäh karjalaisien starinojen juonie ta "Valon talon " ošallistujien omua ainehistuo .Vuuvvešša taitostudijo valmistau noin yhen piirrošfilmin venäjän kielellä šekä karjalan kielen livvin murtehella .Täh aikah piirrošfilmijä on 20.
On huomattava , jotta Jessoilan nuorien eläjien työt ošallissutah eri yleisvenäläisih ta kanšainvälisih kilpailuih ta šuahah palkintoja .
Šamoin Oleg Obnosov šiännöllisešti esittelöy omien kašvattien tauluja näyttelyissä pos’olkan kirjaštošša .Hiän niise löytäy aikua luatie omie tevokšie ta harraštau taitovalokuvuamista .Niitä töitä näytetäh kirjaštošša .
Oleg Nikolajevič alotti Jessoilan Siämäjärven värit -projektin .Šen rajoissa hiän opaštau pos’olkan aikuhisilla eläjilla mualauštaituo .Opaštaja järještäy heilä ulkoilmamualaukšie , kumpasien aikana opaštujat mualatah oman kotimuan maisemie ta vietetäh näyttelyjä .Šamoin Oleg Obnosovin opaštujat ošallissutah Badri Topurijan ta Julija Korosovan työpajoih .
Nyt Oleg Obnosov ta hänen taitostudijon nuoret kašvatit luajitah uutta piirrošfilmie tunnetun Meččämökki - starinan mukah .Piirrošfilmie iänitetäh karjalan kielen kolmella murtehella , vepšän kielellä ta Oneganiemen murtehella .
Oleg Nikolajevičilla Jessoila tuli armahakši , ta šiinä hiän viettäy aktiivista toimintua .On toivottava , jotta Valon talo -taitostudijo vielä pitälti valottau nuorilla ta aikuhisilla , ihaššuttau heitä .
Valon talon merkkipäivä
карельский: собственно карельское наречие
Новописьменный севернокарельский