Тексты
Вернуться к списку
| редактировать | удалить | Создать новый
| Статистика
| ? Помощь
Brendojev Vladimir.
Vieri päivy muate...
Brendojev Vladimir
Vieri päivy muate...
карельский: ливвиковское наречие
Новописьменный ливвиковский
Vieri päivy muate
Järven tuakse meččäh.
Ehtän heinysuatos
Tyttö undu eččiy.
Čirkat päivänlaskul
Kovaštetah stoikki.
Väzyi tyttö-rašku,
Jallat katkuau poikki.
Koivu valgeipaidu
Kazvau stuanuu vaste,
Suval – laho aidu,
Heinäl – hobju kaste.
Kuudamoine – širpi
Järvenselläl karguau.
Jygei sinuu tirpua
Tytön lembi argu.
Kuudamostu kandau
Vezi – kazinhobju.
Oh, ku tulis randah
Briha nuori, tobju.
Suluaš tytön tuskan
Hengävyksel harvah,
Anna pilvii puskou
Kuudamoine sarvil.
Čirkat ammui muatah
Uinoi korvel kägöi,
A niityl heinysuatos
Tyttö undu nägöy.
