Тексты
Вернуться к списку | редактировать | удалить | Создать новый | Статистика | ? Помощь
Nina Zaiceva. Sit' - sarnaline jogi. 05.pala
Nina Zaiceva
Sit' - sarnaline jogi. 05.pala
вепсский
Mec
magazi .Oli aig , konz ezmäine homendezlinduine völ ei ehtind pajatada ičeze pajod , i vaiše mitte-se jogikulling üksnäze lendlihe pidust’ joged .Se lendlihe tehtes ümbrusid .Lendab i möst pördase nodjonnoks .Vas’ka-Hanhele ozutihe , miše nece lind ecib midä-se , min om jo amu kadotanu .
"Ka ved’ linduil , kut mehil-ki , jogahižel om ičeze oza , ičeze elo , – meleti Hanh’ . –
Oliži sil küzuda , mikš se lendlese , konz kaik völ magadaba ?"
Hanhele tuli mel’he , miše , voib olda , kaikes mecas hö kaik ei magakoi-ki : hän i nece lind , mitte om muga väzunu , miše habi maihutab suugil .Hot’ ištuižihe , lebaižihe vähäšt .Ka ei – lendlese .A voib olda , sil ei ole lapaižid , mecnik ambui ?I nügüd’ lind lendleškase sihesai , kuni vägid om .A voib olda , lindul om vaiše üks’ lapaine , i sen aklind ei navedi händast mugošt , üks’lapašt .I se eläb üksnäze , kut Hanhen mamaze .Ku mamal oližiba molembad käded , ka mužik-ki löudnus oliži .Siloi oliži olnu Vas’aižel
tatoi , sizared i velled oližiba , i elo toine oliži .
Nodj jo habi pil’kišti , vaiše ei olend tahtod mända haugoid tomha .Hanh’
keradaškanzi koivbatogaižel hilid da kegalehid ühthe kogoho .Necen aigan edahanpäi kuluškanzi mitte-se pit’k , kuti man alpäi , än’ .Se tehlihe komedambaks i kuti täuti kaiken necen tahon , kus oliba prihaižed .Siš ulaiduses tundui mitte-se pimed vägi , mitte-se pöl’göitelii varu kaikele , mi om eläb mecas .Hanh’ libui jaugoile : händikaz !
Möst ulaidab Kurgsol .Hän noustati Tol’aižen :
– Libu , kuled-ik ?Nu ...!Libu , händikaz ulaidab !
– Ik händikahad ?! – Tol’aine sid’-žo hüppähti jaugoile . – Ik ned tuleba tänna ?
– Ka sinä kundle , kundle !
Vaiše mec oli vaitti .Nece jogikulling-ki vaikastui , voib olda , kuna-se ištuihe lebaidamha .
– Ka naku miččed lemboid oma ! – sanui Hanh’ . – Kevädel kaikana muga om : ühten pajon pajatab i vaitti ! Kuti haudha lankteb .Muloižel kevädel muga ulaiži i endemuloižel .
– Ka midä se ulaidab ?
– Ka kutak midä – sil oma poigaižed ! Händikaz läksi sömäd ecmaha i edahanpäi poigaižile käskön andab : ištkat pezas , teravas tulen , sötan ...Ka naku midä , kerakam kaik sijad i lähkam nece peza ecmaha .
– Lähtem-ik muga ? Oružjata , kaiketa ...
– A kus minä sinei otan oružjan ? Ota keihaz vai kirvez ...Da ala sil’mil-se ripita !Ala varaida , ei sögoi !Händikaz iče mest varaidab .
– Oružjanke oliži ei muga opak , – hengahtaden sanui Tol’aine . – Voib olda , söm midä-ni , – tariči hän .
– Jose söda tahtoid ? Ved’ eglai söim pol’ necidä sur’kulud hauged ...Kaiken päivän söim i möstak söda ?!
No nece sömtaht oli mugoine vahv i tutab Hanhele , ka hän ei voind sille olda vasthapäi .Tuli möst paštta hauged ...
Sit' - sarnaline jogi. 05.pala
вепсский
–
Анатолии Петухов
Сить - таинственная река
русский
—