Тексты
Вернуться к списку | редактировать | удалить | Создать новый | Статистика | ? Помощь
Alina Gapejeva. Kaksi piduo yhteh päiväh
Alina Gapejeva
Kaksi piduo yhteh päiväh
карельский: ливвиковское наречие
Новописьменный ливвиковский
Priäžän
lohkon Vieljärven kylän rahvas yhtistettih kaksi kallistu piduo – Ven’an päivy da Vieljärven kylän pruazniekku .
Vieljärvi on karjalazien vahnu kylä , sidä mainitah dokumentois XVI vuozisual , sih nähte kirjutettih jo 1582 vuvvel , ga kylän perustamisvuottu tietois ei ole .
Kezäpruazniekan nimi , kuduadu vuotettih kai vieljärveläzet , on "Koivahaine ".Sinä piän kyläh tuli gost’ua da artistua Karjalan eri kolkis .
Kyläläzet kerävyttih yhteh nägemäh toine tostu da pruazniekkua pidämäh .Vieljärveläine Vera Dmitrijevna nareko tuli lähembä lavua , ku hyvin kuulis da nägys , kui ezitytäh artistat .
– Tulimmo kaččomah omii da vakkinazii . Oraskuun 9. päiväkse en puuttunuh pruazniekkah , ga sit kaikin kyzeltih , kus olin .Olen ylen hyväs mieles , ku olemmo rahvahas moizes pivos , sanoi Vera Dmitrijevna .
"Koivahazen " gostien keskes oligi Manderen eläi 77-vuodehine Valerii Aleksejevič . Häi toi kerale iččeh luajittuu puuvestostu .
– Lapsennu olles vestin puudu , eläkkehele mendyy mustoitin tämän käzineron , kerdoi endine piälikkö da nygöine eläkkeheläine . Kuni vahnembat kačottih konsertua , lapsih niškoi oli varustettu iloitukset : heil sai hyppie batutoil , syvvä magiedu "vuattua " da popcornua .
Artistoin keskes sai nähtä vieljärveläzii da Jessoilaspäi tulluzii .Lavalpäi kuului pajuo kodirannas da oman muan suvaičukses .Sai nähtä kirmielöi tansiloi , kaččojilgi kottu vingui .Vieljärven kylän piälikkö Aleksandr Čugai kiitti paikallizii eläjii , ku aktiivizesti yhtytäh kylän elaigah .Häi vihjai , kui äijän rahvas ruatah , ku kylä olis puhtas da mugažu .Erikseh mainittih da kiitettih niilöi , ket nygöi ollah omua muadu da omamualazii puolistamas .
Vihmu sinä piän meni siiriči Vieljärves .Vieljärven kul’tuurutaloin emändy Ol’ga Ivanova valmisti moizen pruazniekan , kudai kaikien sih tulluzien mieles meni ylen hyvin .
Kaksi piduo yhteh päiväh
карельский: ливвиковское наречие
Новописьменный ливвиковский