Тексты
Вернуться к списку | редактировать | удалить | Создать новый | Статистика | ? Помощь
Mehed L’udmila . Karjalan šielun lämpö
Mehed L’udmila
Karjalan šielun lämpö
карельский: собственно карельское наречие
Новописьменный севернокарельский
Eniten
olen kiitollini niillä , ket keššettih kaikkein kauhein kipu – kuatunuijen šankarien perehillä .Hyö kuiteski löyvetäh voimie olla šulkeutumatta šuruh , ka jatkua avun antamista rintamalla .
Še on ihmehellini henken ošoituš , kumpani on višših jokahisešša meistä : kannattua omie , olla lähellä , äšen šilloin , konša mänetät kaikkein kallehimman .Juuri täššä uhrautuvuošša , yhtenäisyöššä ta valmehuošša auttua , rajattomašša tuvešša rintaman šeluštalta – on meijän murtumatoin voima ta mahti .
Irina Gornostajevalla kuoli veikko , Vera Ijudinalla kato kuulomattomih plemännikkä , Olga Stepanovalla kato punukka – ka heijän perehet iellähki aktiivisešti autetah rintamua .Heijän tahonvoimalla , aktiivisuolla ta hyvyöllä ei ole rajoja .Hyö pannah koko šielut jokahiseh keryäntäh .Niin , tuanoin oli lähetetty uuši lähetyš : kolme kuorma-autuo Karjalašta , vielä yksi kuorma-auto läksi Karjala – Krim -liikkeheltä .
Mie staraičen pityä yhtevyttä monien volont’orien kera ta ilmottua heitä tulijista lähetykšistä .Miulta rikeneh kyšytäh : mitä varoin šiula tämä tarviččou ?Mie vaštuan : a ken , još en mie ?Mie olen muamo , šielä miun pojat ta veikot taissellah Isänmuan puolešta .Täššä on miun kotimua , miun pereh , miun omahisien hauvat .Mie , kuin ni kaikki , tahon , jotta rutompah tulis Voitto ta rauha – šentäh autan , kuin voin .Jo kolme vuotta mie kuvon peittoverkkoja , iltasin tikutan šukkie , oššan , otan vaštah ta lähetän apuo .
Pojat lähetetäh viestijä , jotta šuatih , jotta ollah ilosie , kiitetäh – ta heti tulou uušie voimie ta halu auttua vielä enemmän .Kyllä , mie en ole oštan tankie enkä lentokonehta , enkä iče käy etulinjalla , ka još vaikkapa yksi elämä on šäilyn miun voimin , ni kaikki tämä ei ollun tyhjäh !
Vuosien mittah meijän apu mäni Hersonih , Kup’anskih , Zaporožjeh , Belgorodih , Kurskih .Myö monta kertua auttoma šotilaššairaloja , rajašeuvun lapšie ta erilaisie ošaštoja .Myö aktiivisešti ošallissumma toisien volont’oriryhmien keryäntih , annamma šyväimien ta šielujen lämpyö meijän šotilahilla .
Meijän Karjalan šielun lämpö -ryhmyä hyvin tunnetah kuin volont’orit , niin ni šotilahat .Passipo kaikilla , ken kaikki vuuvvet oli viereššä ta autto .Meijän voima on yhtenäisyöššä .Mie ušon meijän voittoh , kuvon verkkoja , šuan saltatoilta kiitokšie avušta .Miun kirjat niise on työnnetty etulinjalla ta on tullun jo monta viestie lukijilta , jotta Poltettu šielu -kirja miellyttäy heitä .Še on kuin tervehyš omašta Karjalašta .
Karjalan šielun lämpö
карельский: собственно карельское наречие
Новописьменный севернокарельский