Тексты

Aleksandra Lesonen. Kantatuattojen perintyö šäilyttyän

подкорпус: публицистические тексты

Источник:

Oma mua. № 24, 2026, с. 2

Aleksandra Lesonen

Kantatuattojen perintyö šäilyttyän

карельский: собственно карельское наречие
Новописьменный севернокарельский

Trajektorija-šiätijön projekti
"Elävän
perinnön työpaja Vuokkiniemen
kyläššä
" piäsi voittajien lukuh
Alovehien
luovuš -ohjelman
toisešša
granttikilpailušša.

Projekti
keštäy
kolme
kuukautta
– 20. heinäkuuta
alkuan 19. šajekuuta 2026 šuaten
. Še
tarkottau
kešäsen
tieto-käytännöllisen ekspeditijon viettämistä Vuokkiniemeššä
, kumpasen
tavoittehena on
puuarhitektuurin istorijallisien
objektien šäilyttämini.
Projektin
ošallistujie vuotetah
yksipäiväset matat
, missä
hyö
ruvetah
tutkimah
puuarhitektuurin šäilynyitä objektija Vienan Karjalan
toisissa
istorijallisissa
kylissä
– Pirttilahešša, Ponkalahešša ta
Venehjärveššä
. Šamoin
ošanottajilla pietäh
verkkotehtävie puuarhitektuurin muistomerkkien restauroinnin peruštehista šekä
kirvešmiehen
perintehellisistä tavoista
elin
- ta
taloušrakennukšien rakentamisešša Vienan Karjalan
istorijallisella
alovehella
Vuokkiniemen
aittojen
esimerkillä
.
Projektin
joukko
čukeltuu ni
monipuoliseh kulttuuriohjelmah. Hyö
autetah
Ympyrät vejellä
-etnofestivalin valmistamisešša, kumpani
pietäh
Ponkalahešša 9. elokuuta
. Šen
lisäkši
hyö
otetah
ošua
pruasniekkah
Latvajärven kyläššä
– kuulusan
runonlaulajan Arhippa Perttusen kotimualla
. 14. elokuuta
šielä
perintehellisešti vietetäh
Marja-Makovei-juhlua.
Järještäjät taritah
ta
katatah
ošallistujien majotuš Vuokkiniemeššä
, kolmekertani
ruokkimini, kuletuš
Koštamukšešta Vuokkiniemeh
, ekskursijot ta
kulttuuriohjelma.
Koštamukšeh matan
ošallistujat
piäššäh
iče
.
Jotta
kirjuttautuo
projektih ta
šuaha
lisätietoja ota
yhtevyttä projektin
johtajah
Konstantin Petrovih šähköpoštičči kpetrov@traektoriafdn.com.
Ohjelmua
ta
Kilpailuo
toteuttau Dobrota Severa -hyvänluajintafondi yheššä
Čerepovetsin ei-kaupallisen SREDA-järještön kera
Severstal’-yhtijön tuvella.