Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Kalevalalaini kruuka pyöri Kuittijärven rannoilla
Nadežda Vasiljeva
Kalevalalaini kruuka pyöri Kuittijärven rannoilla
карельский: собственно карельское наречие
Новописьменный севернокарельский
Kešäkuun
keškipuolella Kalevalašša piettih jokavuotini Uhtuon karjalaisien kulttuuripruasniekka .
Perintehellisešti Uhtuon karjalaisien juhla anto lähtömerkin koko joukolla paikallisie pruasniekkoja , kumpasie kešäkuukaušien aikana pietäh Kalevalan piirin jokahisešša kyläššä ta elinpaikašša .
Tänä vuotena Kalevalan pruasniekka mäni Kalevalalaini kruuka -deviisillä .
Uhtuon karjalaisien kulttuuripäivä avautu urheilukentällä kyykkä-pelin kilpailulla .Pelih otti ošua viisi joukkuo : kenpä tulou voittajakši ?Kyykkäkilpailu oli mielenkiintoni ta innokaš , joka tarkka lyönti pualikalla toi joukkoloilla voittopistehie .Eniten niitä keräsi Kičut-joukko , še tuliki kilpailun voittajakši .
Šen lisäkši pelin aikana miärättih kilpailujen paraš peluaja : Aleksandr Samsonov tuli parahakši miešpeluajakši ta Žanna Tikkanen ilmotettih parahakši naispeluajakši .Heijät palkittih Uhutšeuran erikoisella palkinnolla .Tämä paikallini yhteiskunnallini järještö tukiu karjalan kieltä ta kulttuurie .
A illalla kuvankaunehella Kuittijärven rannalla , starinamaisen Lönnrotin männyn luona , kalevalalaiset keräyvyttih rahvahan kisoih .Kalevalalaini kruuka keräsi pruasniekkaväkie yhteh šuureh čerih .Kantelen iänet kučuttih konserttih taivahan alla , a interaktiivini KalevalaEtnoSport-kvesti-peli otti vaštah kaikkie halukkahie tarkaštamah omie tietoja kotimuan istorijašta , šekä taitoja tarkkuošša ta näpperyöššä perintehellisissä karjalaisissa kisoissa .
Piirin Kulttuuritalon balettimeštari Laina Zinnurova kelläkänä ei antan ikävöijä : koko ajan hiän kučču kalevalalaisie kruukah ta hyö hyvällä mielin pyörittih karjalaisien tanššien vauhissa .
Illalla vietetty pruasniekkakonsertti lahjotti kaččojilla Kulttuuritalon kantelistien yhtyvehen ta venäläisen laulun kuoron šekä Kalevalataloetnokulttuurikeškukšen viisikielisellä kantelella šoittajien-harraštajien yhtyvehen musiikkiesitykšie .Šen lisäkši kaikilla oli avattu ovet starinankertojan ta runonlaulajan Marija Remšun taloh , paikalliset eläjät šanotah šitä niise Kalevalan runonlaulajien musejokši .
Uhtuon karjalaisien kul t tuur ipruasniekan korissukšekši ta loppušoitokši tuli tunnetun petroskoilaisen TUARI-etnoryhmän konsertti .Vanhat karjalaiset runot ta nykyaikani šähkömusiikki Kuittijärven rannalla šulauvuttih voimakkahah lumouttajah šointuh .
Pruasniekka loppu .Šen ošallistujat šanottih "Passipo " mahollisuošta čukeltuo karjalaiseh kanšalliseh kulttuurih ta uušista tutuštumisista , šekä hyväštä ta yštävälliseštä ilmapiiristä .
Kalevalalaini kruuka pyöri Kuittijärven rannoilla
карельский: собственно карельское наречие
Новописьменный севернокарельский