ВепКар :: Тексты

Тексты

Вернуться к списку | редактировать | удалить | Создать новый | Статистика | ? Помощь

Apostoloiden tegod (5:21-42). Kut Jerusalimha sündui uskondkund. Apostolad Nevondkundan edes

подкорпус: библейские тексты

Источник:
Uz’ zavet, 2006, с. 277-278
Apostoloiden tegod. 5

Деяния апостолов. Глава 5. Библия (Синодальный перевод).

Apostoloiden tegod (5:21-42). Kut Jerusalimha sündui uskondkund. Apostolad Nevondkundan edes

вепсский
Младописьменный вепсский
Konz ülembaine pap tuli, hän i hänen polel olijad keraziba Nevondkundan — kaikid Izrail'an rahvahan vanhembid — i oigenziba tomha apostoloid türmaspäi.

22Käskabunikad tuliba sinna, no ei löudnugoi apostoloid. Hö pördihe i sanuiba:

23"Mö nägim, miše türm oli vahvas saubatud i varjoičijad seižuiba uksiš, no konz avaižim uksen, ka em löudnugoi sigä nikeda".

24Konz ülembaine pap, pühäkodin varjoičijoiden pämez' i toižed ülembaižed papid kulištiba necen, ka hö ei voinugoi el'geta, midä nece kaik znamoičiži.

25Sid' tuli eraz mez' sanumaha: "Ned mehed, keda tö tacit türmha, seižuba pühäkodiš i opendaba rahvast".

26Varjoičijoiden pämez' läksi käskabunikoidenke i toi apostoloid tagaze. Hö ei tehnugoi sidä väges, sikš ku varaižiba, miše rahvaz voiži tacta heihe kivid.

27Hö toiba apostoloid i seižutiba heid Nevondkundan edehe, i ülembaine pap zavodi küzelta heid.

28Hän sanui: "Em-ik mö lujas käsknugoi teile, miše et opendaiži sen mehen nimes? No nügüd' kaik Jerusalim om täuz' teiden opendust, da völ tö tahtoit väritada meid sen mehen surmas".

29Neche Petr i toižed apostolad sanuiba: "Enamban pidab kundelta Jumalad, mi mehid.

30Meiden ezitatoiden Jumal om eläbzoitnu Iisusan, kudamban tö riputit puhu i surmičit.

31Jumal om libutanu händast ičeze oiktale kädele Pämeheks i Päzutajaks, miše hän kändaiži Izrail'an rahvast Jumalaha da pästaiži heile grähkäd.

32Mö olem kaiken necen todištajad, kuti Pühä Heng-ki, kudamban Jumal om andnu heile, ked händast kundleba".

33Necen kulištades Nevondkundan mehed lujas käreganziba i tahtoiba rikta apostoloid.

34Sid' Nevondkundas seižutihe üks' farisei, käskištonopendai, kudamb kuctihe Gamaliilaks i kudamban rahvaz pidi sures arvos. Hän käski veda apostoloid pordoižeks irdale

35i sid' sanui Nevondkundale: "Izrail'aižed, ezmäi hüvin meletagat, edel ku midä-ni teget nenile mehile.

36Ei amu täs oli üks' mez', Fevda, kudamb pidi ičtaze suren mehen. Hänen jäl'ghe läksi läz nellädsadad mest. No händast riktihe, i kaik hänen sebr suli, i sil kaik lopihe.

37Hänen jäl'ghe oli Juda Galilejalaine. Hän tuli rahvahan kirjutamižen aigan i kerazi äi rahvast ümbri ičtaze. Hän-ki mugažo koli, i kaik hänen sebr suli.

38Sikš minä nügüd' sanun teile: algat tartkoi nenihe mehiže, jätkat heid. Ku nece azj vai nece tego om rahvahaspäi, ka iče sambub.

39A ku om Jumalaspäi, ka tö et voigoi seižutada sidä. Kackat! A ku tö toradat Jumalad vasthapäi"?

40Kaik kundliba Gamaliilad. Nevondkundan mehed kucuiba apostoloid pert'he, andoiba heid löda i käskiba kovas, miše hö ei pagižiži Iisusan nimes, i pästiba heid valdale.

41Apostolad läksiba Nevondkundaspäi ihastusiš, miše heid kactihe arvokahikš tirpta huiktad Ižandan Iisusan nimen täht.

42Hö ei azotanus, a kaikuččen päivän openziba pühäkodiš i saneliba pertišpäi pert'he hüväd vestid, miše Iisus om Messia.

Деяния апостолов (5:21-42)

русский
Между тем первосвященник и которые с ним, придя, созвали синедрион и всех старейшин из сынов Израилевых и послали в темницу привести Апостолов.

22Но служители, придя, не нашли их в темнице и, возвратившись, донесли,

23говоря: темницу мы нашли запертою со всею предосторожностью и стражей стоящими перед дверями; но, отворив, не нашли в ней никого.

24Когда услышали эти слова первосвященник, начальник стражи и прочие первосвященники, недоумевали, что бы это значило.

25Пришел же некто и донес им, говоря: вот, мужи, которых вы заключили в темницу, стоят в храме и учат народ.

26Тогда начальник стражи пошел со служителями и привел их без принуждения, потому что боялись народа, чтобы не побили их камнями.

27Приведя же их, поставили в синедрионе; и спросил их первосвященник, говоря:

28не запретили ли мы вам накрепко учить о имени сем? и вот, вы наполнили Иерусалим учением вашим и хотите навести на нас кровь Того Человека.

29Петр же и Апостолы в ответ сказали: должно повиноваться больше Богу, нежели человекам.

30Бог отцов наших воскресил Иисуса, Которого вы умертвили, повесив на древе.

31Его возвысил Бог десницею Своею в Начальника и Спасителя, дабы дать Израилю покаяние и прощение грехов.

32Свидетели Ему в сем мы и Дух Святый, Которого Бог дал повинующимся Ему.

33Слышав это, они разрывались от гнева и умышляли умертвить их.

34Встав же в синедрионе, некто фарисей, именем Гамалиил, законоучитель, уважаемый всем народом, приказал вывести Апостолов на короткое время,

35а им сказал: мужи Израильские! подумайте сами с собою о людях сих, что вам с ними делать.

36Ибо незадолго перед сим явился Февда, выдавая себя за кого-то великого, и к нему пристало около четырехсот человек; но он был убит, и все, которые слушались его, рассеялись и исчезли.

37После него во время переписи явился Иуда Галилеянин и увлек за собою довольно народа; но он погиб, и все, которые слушались его, рассыпались.

38И ныне, говорю вам, отстаньте от людей сих и оставьте их; ибо если это предприятие и это дело - от человеков, то оно разрушится,

39а если от Бога, то вы не можете разрушить его; берегитесь, чтобы вам не оказаться и богопротивниками.

40Они послушались его; и, призвав Апостолов, били их и, запретив им говорить о имени Иисуса, отпустили их.

41Они же пошли из синедриона, радуясь, что за имя Господа Иисуса удостоились принять бесчестие.

42И всякий день в храме и по домам не переставали учить и благовествовать об Иисусе Христе.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков