Texts
Return to list | edit | delete | Create a new | history | Statistics | ? Help
Elotihe kuume vellest (sаrn AA 168 1)
Elotihe kuume vellest (sаrn AA 168 1)
Veps
Central Eastern Veps
Elotihe kuume
vellest .Üks’ oli Gehremko , toine oli Gavrilko , kuuman’z’ oli Ivan-durak .
Vot velled elotihe , elotihe kuumen kesken .
Zdumaihe vahnambalo naida .
Vot hö kogod’uudas svad’ban .Segoitadihe olut suren lačun .
Neno kaks’ velled lähtihe gul’aimaha , a Van’ka-se kaiken ištub päčiu .Tuhkan tuudab .
Potom laskihes hän päčiupäi , veräjin’ tüges , tuli pert’he .Lačun segoitedut viškaiž .
Ot’ hän kartan , kudambos sul’čitas sobad , pani kartan lavalo , ištuihe kartha i štargub .
Labidon kädoho ot’ , labiduu meldab .
Velled tuudihe kolotišoiš , kričitas : «Van’ka , avaida !».
Van’ka otvečaib : «Naruug’at , gümausaumha ajaudan ».
Velled möst kričitas : «Van’ka , avaida !».
Van’ka otvečaib : «Naruug’at , päčinkohtha ajaudan ».
Vell’d möst kričitas : «Van’ka , avaida ».
Van’ka otvečaib : «Naruug’at , uks’he ajaudan ».
Potom üks’ vel’l’ libui üuknaha kacmaha , mida Van’ka radab .
Nägeb , Van’ka štargub .
Velled ottihe , verajin’ kättihe , habi avaitihe .Män’dihe pert’he .Van’kad lajitihe , lajitihe .
Potom dengid’ skopitihe i oigetihe Van’kad Šalha .
Anttihe dengid’ ejän , kästihe toda void’ bitonan , vouktad gäuhod havadon , šonud havadon i kästihe toda luzikoid’ , stulįd’ i stolan .
Ajii Van’ka laukhasai .Ost’ neno kaik sijad’ mida oli käst’ut .
Pani hän hebolo , läks’ kodihe ajamaha .
Ajii , ajii , hebo väzui .
Hebolo andoi söda šonud havadon .
Hebo kuverdan-se möst läks’ ajamaha .
Möstona hebo väzui .
Tuli g’är’v’ .
Van’ka zdumai hebon götta .
Prolubaha hebuu pän kover’z’ , hebo ii gö .
Ot’ Van’ka g’auhon havadon , prolubaha viškaiž .Hebo ii gö , g’auhod vähäižen hebo päupäi süi .
Läks’ Van’ka möst ajamaha .Ajab hän päliči gärves , gä kaik houktuunu .
Ot’ Van’ka bitonan voidme , kaiken valoi pazoihe .
Möst hebo väzui .
Van’ka stolan hiit’ regüupäi i pagižeb : «Hebuu nel’l’ g’augad i stolas nel’l’ gäugad .
Void’ astta stol iče ».
Potom gäi kebn regi .
Luzikad kolaitas : bräk , bräk .
A Van’kalo kuluso : luzikad nimitadas Van’kad .
Ot’ suusem meršin luzikoid’me tači laptaha : «Mängat nakkalo , augat mindain’ nimitagoi ».
Möstona ajab .Hebo astub hilläšti .Van’ka pagižeb stulalo : «Lähtö sina-ki astu iče , sinaiš-ki om nel’l’ gäugad , mäno astu iče ».
Stul ii kubahta regüupäi .
Van’ka ot’ stulan rän’häzo fati , laptaha šlibahtoit’ .
Ištub Van’ka üksnäzo reg’üu .
Ajab spokoino kodihe .
Doidi kodihe , üikna allo ajii , velled nägištadihe , vastha gökstihe i küzutas : «Kuššo sinaiž , Van’ka , tavar ?».
Van’ka roskaži ičezo putinan .Velled lajitihe , lajitihe Van’kad .
«Mida tariž tehta ?» – pagištas velled kesknezoi .
– «Davai , vel’l’ , uitkam ». Suhrid’ kuivatihe , kaks’ šaugut suhrid’ .
Ühten kerdan Van’ka mäni gul’aimaha .
Velled šaugut lattihe i lähtihe derüunähä prostm’ah’akso tovarišoime .
Süu aigau Van’ka tuli kodihe , ühtes šauguspäi güudut’ suhrid’ , iče hän ištuihe šaughu .
Velled tuudihe kodihe , kacautihe päčile – Van’kad iile .
Vanhamb vel’l’ pagižeb : «Davai uitkam , kuni iile Van’kad ».
Šaugut süugha pan’dihe i lähttihe astmaha .
Tol’ko püudot proitihe , kulištadihe ka Van’ka šauguspäi kričib : «Velled , varastagat ».
Velled davai pahemba göksta , ika Van’ka sabutab .
Gökstihe , gökstihe , Van’ka kaiken šauguspäi kričib .
Üks’ vel’l’ pahoin’ väzui i pagižeb : «Davai , vel’l’ , laptaha uitkam tüupai , ika Van’ka miid’ sabutab ».
Män’dihe laptaha , šaugut hiitihe süugaspäi .
Üks’ pagižeb : «Davai , vel’l’ , minun šauguspäi sögam .Minain’ šaug om pahoin’ güged ».
Šaugun rušitihe , ka sigau Van’ka ištub .
Mida tehta ?Velled pördihezoi kodihe i eloškatihe möst kut putui .
Elotihe kuume vellest (sаrn AA 168 1)
Veps
Central Eastern Veps
Жили три брата (Сказка)
Russian
«
«