Texts
Return to list | edit | delete | Create a new | history | Statistics | ? Help
Elotihe kukoihut da kažiine mecas (sarn AA *61 11)
Elotihe kukoihut da kažiine mecas (sarn AA *61 11)
Veps
Central Eastern Veps
Elotihe kukoihut
da kažiine mecas .
Oli hijau pertiine .
Kažiine käui radolo mecha .Lähtob kažiine radolo i napevoičeb : «Sina , kukoihut , nikut üuknaižehe ala kacauda ».
Läks’ kažiine mecha .Tuli reboi üukna allo dai pajatab : «Kukoihut , kuudaine šar’g’aine , hobedaine bardaine , kacauda üuknaižehe , andan mina siniiž hernhuzid’ ».
Kukoihut kacauz’ , reboi fati kukoihudon .Mecha vii .
Kukoihut kričib : «Kažiine , kažiine , kandab mindain’ reboi pit’kiden meciden taga , soiden da gärviden taga ičelozo sömaks ».
Kažiine kulišt’ , kirfhudon tači i göksob kukoile da reboile gäl’ghe .
Reboin’ sabut’ , kukoihudon ot’ , pertiižehe vii .
Öhudon magatihe .
Möst lähtob kažiine mecha .
Nevob kukoihudolo : «Kukoihut , tämbäi ala kubahta , reboi tulob sinunnoks ka .
Mina lähton tämbäi edahaks i sinun krikud en kulišta ».
Ot’ kažiine kirfhudon i läks’ mecha .
Reboi möst tuli da manit’olob : «Kukoihut , kukoihut , kuudaine šarg’äine , hobedaine bardaine , kacauda üuknaižehe , andan mina sin’iiž hernhuzid’ ».
Kukoihut ii kacauda .
Reboi möstona pajatab : «Kukoihut , kukoihut , kuudaine šarg’aine , hobedaine bardaine , ajetihe mužikad , viškaitihe nižud , kanad keratas , kukoile ii gätkoi ».
Kukoihut huraht’ , üuknaha kacauz’ .
Reboi fati , kukoihudon vii .Kukoihut kričib : «Kažiine , kažiine , kandab mindain’ reboi pit’kiden meciden taga , soiden , sariden taga ».
Kažiine kulišt’ , kirfhudon tači , göks’ kukoile da reboile gäl’ghe .
Reboin’ sabut’ , kukoihudon ot’ , toi pertiižehe .
Möstona öhudon magatihe .Kažiine lähtob möst mecha .
Nevob kukoihudolo : «Tämbäi , kukoihut , ala kacauda nikut .
Mina män edahaks , en kuišta ».
Kažiine mecha mäni .Reboi tuli pertižennoks , möstona pajatab : «Kukoihut , kukoihut , kuudaine šarg’aine , hobedaine bardaine , kacauda üuknaižehe , andan mina hernhuzid’ ».
Kukoihut ii kacauda .
Reboi udos pajatab : «Kukoihut , kukoihut , kuudaine šarg’aine , hobedaine bardaine , ajii bajar’ tedme , šonun vedi , kaiken širmot’ , kanaižed’ keratas , kukoile ii gätkoi ».
Kukoihut kacauz’ , reboi fat’äuz’ da vii .
Kukoihut kričib : «Kažiine , kažiine , kandab mindain’ reboi pit’kiden meciden taga , soiden , sariden taga , gärviden taga ».
Kažiine oli edahan , ii kulištanu .
Ehtkoižehesai päivan radoi .Mäni kodihe , kukoihut iile .Kažiine voikud .
Voik , voik da elaškan’z’ üksnäzo .
Elotihe kukoihut da kažiine mecas (sarn AA *61 11)
Veps
Central Eastern Veps