Texts
Return to list | edit | delete | Create a new | history | Statistics | ? Help
Kui jordanua kül’biettih
Kui jordanua kül’biettih
Livvi
Syamozero
Enne
oldih pruazn’iekat prestol’n’oit , kačo sanottih , prestol’n’oikse .
Nügöi sanotah , ga müö emmo tiedännüh mit , prestol’n’oit vai mit oldih .
Meijän vai sanotah : "Vieristü tulow , da rastavu tulow , da pokrovu tulow da stroičan päivät – kai tullah ".
Vieristü ku lienöw jongoi , rubiew tulemah , kuulen minä akat pajistah (minä vie olin nuori tüttö sie ), ga ainos sanotah : "Lähtedgo , rawkku , jordanal , Trohiimowna ?"
Muamal küzütäh .
"Ga en tid’d’ä , – sanow , – pidänöwgo täl vuvvel lähtie vai ei pidäne lähtie , sanow , jordanal , vaste mulloi olin , sanow , jordanal ga ".
A müö emmo tüönä muamuo jordanal .
Jordan se luajitah üheksiä süldü , üheksä süldü on , kus se on süvä moine kohtu , da jordan laitah .
I se laitah huondeksel vieristännü (se vieristü kaikin tietäh , kreštenis se on ).Nu .
Huondeksel laitah mužikat , moožet on kümmene mužikkua purastajua : sie on vet’ jie toiči metrie sangie .
Dai laitah se jordan .
Sih kerdüü jordanniekkua äijü , pappiloil se ülen hüvä mieles , što jordanal rahvas tullah , kačo nügöi vieruijah täs .
A rahvas mennäh , mennäh sidä perie , što meile jumal riehkis proštiw; da možet vie sie , kačo , minul riehkie on äijü : midä tahto kielastin , libo varrastin , libo muijien mužikoin kele elin , libo midä tahto : anna jumal riähkis proštiw , kerran jordanan külven .
Kolmekümmen gruadussie , kolmekümmen viizi on viluu .Da .
Sit lähtemmö jordanal .
Sukkaizet pannah jalgah , pluat’t’aine pannah üksi , ewle muudu ni midä , ku alaštitoi , räččinäine (pluat’t’aine ) piel üksi , muudu ewle mittumua , alashibju .
Pannah noskaizet hienoizet , ei ni ostonoskaizie panna , kois kuvottih enne räččinäizes langas , net noskaizet jalgah panow , da sit seizow kaksi čuassuu .
Pappi vai vettü sidä rištiw da rištiw ainos , kuni käske ei sinne jordanah hüpätä .
A hüppiemäh ku ruvetah , käzipaikat sivotah nettäh , keskikohtaizel , da otetah vie hüvä nostai siepäi : häi hüppie sinne süvälhäi , süvälhäi hüppie da vie sanow : "Hätkembi pie minuu , sanow , sie jordanal ".
"A kui sinuu hätken piet , kuolethäi sinne ".
"A kuollen ga kuoppah ", – sanow .
A miän muamas oli možet , kui sanuo , üheksäkümmen kiluo viessua , järei akku .
Häi ottaw oman vel’l’en nostamah sih jordanal .
Ottaw käzipaikan hüvän , pelvahizen , ilmanigäizen .Nu .
Käzipaikku se on hienoine , ga možet , on jo hapannut , on mentiä min igiä , možet buabo buabol , da ei sua tiedie min aiguine se on käzipaikku .
Sih käzipaikkah sidow .
Minä olen vie tüttöine ülen [pieni ]: üheksä vuottu ollut lie , konzu jordanua [külbiettih ].
Muamal käzipaikku katkie , en olluh vie ni üheksändel , en tiedännüh vie ni itkie , en itkennüh da ni midä .
Dai kerdüü rahvastu sih kaččomah kolme sadua hengie libo n’ellisadua .
Sit hebuo on joga sijaine : pihat nämät tävvet , kirikkö täwzi , ristat matkatah ümbäri kirikös dai kai net .
Jordanal sit oli , sanottih ...viizitostu hengie , sanottih , oli jordanan külbijie .
Minul se [maman velli ] died’ö tuli , kačo muaman velli [muamo ] sanow : "Hoi , Iivan , sanow , joga vuottu sinä nostat aijoi minuu viespäi , piälakkaine ei ehti kastuo , ga nügöi ku vedeh hüpännen , sit , sanow , pie pikoi vähäine minuu vies ".
Muamo n’evvoo kui nareko .
Dai rawkku muamo ku vedeh hüppiey , ga ristižäl jiäy käzipaikkua pikoi palaine kädeh : käzipaikku katkeni .Da .
Häi pöl’l’ästüi : lienöwgo zavodinnuh jo nostua vies päi , vai kuibo liennow hüpätes katkennuh kerras , sidoi – ei katkennuh , a katkei kai käzipaikku .
Nu katkeiga , rištižä ei tiijä ni midä ruadua .
Rahvas hüpättih , kai ruvettih kirgumah , sanottih : "Küčöin leski vedeh meni , Küčöin leski vedeh meni !"
Kolme lastu piendü , kai pienet vie , minä vahnin vai , sie vie üheksie vuottu ewle minul , kaheksa vuottu sie , naverno .
Sanotah : "Naverno häi ei puutu ".
Eigo maltanuh häi uidua , in’ehmine zdoroovoi .
Rubei keskikohtal sie (rahvas sanottih jällel , müö emmohäi tiedännüh ) kaččow – sormet nävütäh vähäizel .
Häi jo sit iče jäl’l’el sanoi : "Minä jo dumaičin nügöi : mindäh Iivan ei nostane hätken nügöi , hätken midä vies pidäw (häi on čusvies , zdorovoi ku on ).
Minä , naverrno , olen väl’l’äl nügöi , sanow , ni midä ole ei ".
Dai hüö sid i kaikin pöl’l’ästüttih , papit pöl’l’ästüttih kai .
Üksi mies , Ruvan mies , zdoroovoi neče mužikku , ülen hüvä : "Nügöi , – sanow , – tuos on häi keskikohtal , häi ku uidua maltas , sanow , randah lähenis ".
A sih on , keski kohtah , puolitostu süldü mendävie , metrie n’elli , naverno , on vie rannas da randah , ni kui ei voi häi randah tulla , ku uidua ei malta .
Häi keskel sie käil süvittäw , mentie midä süvittäw .
Häi ku , rawkku , jaksaldah (pin’d’žakon piel heittäw da kengät jallas ) da häi uijaldaw .
"Da minuu piettäkkie , – sanow , – minä hänen spasin lapsien täh !"
Nuori briha !
Da hänen spassi : käis kobristi muaman , da händü spasittih toizet kui liennoi sit , rawkku .
Naverno , nuorua vai midä lienöi tuodu , dai händü nostettih sih maksah , nengoine .
Rahvastu – struašnohäi on !
Sit on kolme sadua hengie !
Jo meile kodih viešti tuodih : "Lapsi-rukat , jäittö sirotakse , jäittö sirotakse , kačo muamas kuoli , tuattuadas ewle , i muamas kuoli !"
Nu vot .
Muamo sit piezi , da piezi sih muamo hüväh čusvieh , eigo pidän puistattua , eigo pidän midä .
Häi vie astui zvonimah .Da .
Kaikin rahvas kieltäh , sanotah : "Älä mene , Trohimowna , zvonimah , sanotah , sinä olet nügöi külmännüh ".
"En ole , – sanow , – külmännüh en ole , sanow , külmännüh .
Nügöi kačo , Iivan , hüvin , sanow , piit sinä minuu tämän kerran !"
Dai kačo kodih tullah , jo nenga sovat ollah : kowftat , kowftat net jongoi , kaihäi külmetäh sovat sie nostettuu , ku kolmekümmen viizi gruadussie [viluu ].
A enne oldih net mittumat pakkaizet pihal !
Tulow kodih , müö kaikin ihastuimmo .
Täh [taloih ] tulow rahvastu mentijä mi , händü žiel’eijäh .
Nu vot se ničevo , muamo eli sen vuvven .
Toine vuozi opadi i tuli – mijän muamo opadi šuoriew sinne , jordanal .
Jo mene tie min aigua jordanal kävüü sinne , vuottu viizi vai kuuzi käwnnöw .
Müö sanommo : "Sinä ku olet leski , ga nügöi , naverno , sinä ainos spasittos nečis jordanas , muul pidie spassiekseh , ei jordanal spasiekseh ".
Sit muga sidä jordanua ainos piettih .
Papit ihastuksis oldih : papil pandih sinne griwnua , kopeikkua (vai mit oldih ) net jordand’engat , konešno , da sih käwdih riehkii sanomah da kaikkie .
Pappi käski jordanal , sanow : "Mengie külbiekkie jordan , sanow , sit vai kolme kerdua jordanua kül’biet , sanow , sit sinul ohpoih mennä ei pie molimahes ".
Vot : kolme kerdua , kolme vieristie [külbie ].
A vie toine kerdu külbiettih .
Toine kerdu kül’biettih jordanua kezäl makovein aigah .
Se on awgustal .
Awgustal kül’bietah .
Ga sit jongoi ni midä , onnuako , ei rodei : eigo riehkie prošti jumal , eigo midä .
Sit on lämmin vezi , sit on ku kezoin külvendü .
Sil kezoil i minä käin , počinrandaizel menen , külvemmös dai iere hüppien i mene kunne tahtot .
Kui jordanua kül’biettih
Livvi
Syamozero