Texts
Return to list | edit | delete | Create a new | history | Statistics | ? Help
Kut kondjan rikoimaa
Kut kondjan rikoimaa
Veps
Southern Veps
Ol’d’he
kaks’ poigad minaa , ol’d’he mecas mechudoo , ajoiba kondjale päle .
Kondi ii lähtend , kevadoo oli .
Putuiba päle , hän lähtend pezaspä , ištub .
Kaks’ hänoo poigad .
Poigad pätihe idrha .
Eba ajand hänelest sina .
Virst iks’ nakus deroon’aspää tol’ko .
Ajoiba kod’he : «Tata , kondjan löuzimaa .Otkam oružjad da regud da rikomaa ».
– «Da riktud ii , kuna hän regut , rikta tariž ».
Koir meil’ čoma ol’ , otimaa koiran , oružjoimu mänimaa koomen kes’ken , kaks’ poigad i mä .
Rikomaa seičas necen kondjan da eskai kod’he tulomaa .
Mänimaa sina , kondjalest saškaazimaa .
Koiran sidoomaa edhaks .
«Emaa ota , ika gonib , basimaa , koir ».
Hän meid’ i dopusti .
Hän irdha , poigad jäl’ghe hänle , kaks’ poigad kondjaa-se ol’ .
A oružjad meil’ šompol’nijad : kerdan ambuid i tariž seištaaze da porohad valada .
Kerdan ambuiba da putuiba hänt lopatkho , jaagha .
Kondi-se astub , ka čak .
He varastiba , kooz kondi prapadib , a mida hän prapadib , ku jaagha zaden’dut .
Ajoiba , virstad kahcan ajoiba nagol’ meles sabutada .
A koir hänle jäl’ghe jokseb , koir hänen söden söb , kondjan .
Jaagha ihthe putut ka hän voib mända .Män’ .
He jo tagaz vernihe časov dvenatcat’ .
Ninga i ninga , basiba .A mä-se jänd , mä en ajand , he kahton ajoiba .
Nu homen mänemaa .
Mänimaa da möst jäl’gedmu uidimaa , čakakhat ka .
Hänoo koveroitut , koveroitut , jostut mugažo .
Me jäl’gimu , me jäl’gimu .
Hän paniškez’he , mösten libui , mest män’ .
Nedalin’ inaačen jäl’ghe nagol’ ajelimaa .
Hän kävel’ , kävel’ , sid jäl’gmaa ( hänoo vanh peza oli , hän muštab ) män’ da boruižele mugoimale agjaspäi tul’ i necen pezan sel’git’ , sina pan’he .
Me nagol’ jäl’ghe ajelimaa , nagol’ imbärdelimaa , sid’ krugha-se i saimaa hänen .
Prihad-ne edoo ajoiba , mä-se jäl’ghe ajoin .
He tele ajoiba surele da kod’he i tuliba .
A mä kulen , ku miš-še kabičese , kabičese , dumain’ prihad ajaba .
A hän sel’git’ sigä pezan-se vanhan , roi irdha sigäpäi man da kaik .
Minei kulub ku prihad ajaba suksil’ , mä en edahan ištuin’ da kulin’ .
Varastan prihoid’ , a prihoid’ iile .
Ajoin tele , ka prihad jo lähtnud da kod’he ajand .
I mä kod’he .
Ka miak meile nigit tehta ?
Kondi ümbärta ?
Ka godihtagam miččed-ni sutkad , basin mä .
Nu proidiba sutkad , en tea , nelläižed vai min .
Davai rikmha mänemai .
Otimai voo mužikan , Grebnevan Paušin ,(«mängäm vuu aphu »), nellän kes’ken .
Nu mänimaa .
Oružjad meil’ kaikil’ spraanad .
Mänimaa , libuimaa , dumaimaa hän uidi , venošti hänelest astuimaa .
Tulimaa pezalest – kondi pezas , jäl’gid enamb ni mihe iile : kondi pezas .
«Te , basin , varjoikat hänt , ku lähteškandeb karaspäi (hänoo peza mas sigaa ), es’kaa ambutai .
A mä mänen taga da gonin’ hänen sigaapäi ».
Mänin’ pezan päle , gonin’ , stukutan , ii lähte nikut .
Miak hän ii lähte ?
Jäl’gmäi čapoimai žerdin’ .
Žerdil’ zavodimai čokta ka ii lähte .
Mä basin’ : «Davai budahtoitkad sina ampta pezha-se ».
Budahtoitpa ampta kerdan , toižen – ii lähte .
A hänt putuiba sigä lapha , kondjad-se .A poigaaižen rikoiba pezha (iks’ poigaaine sigä oli , a toine kadoi ajades-se , kuna-se män’ ).
I sigaapäi jäl’gmää lähteškaaž , pezaspäi .
Kerdad kahcan kaiked-se me ambuimaa , ii pande nikut , ii sorte .
Jäl’gmää mä poigale basin’ : «Pähä hänt žogni ».
Pähä jäl’gmää žogni ka eskaa sord’ .
Otimaa da vedimaa hänen sigäpäi .
Kahtet suksed ladimaa da suksile da satoimaa telesai .
A vähäižuu kil’mädand öl’ , fevrališ ka hanged ol’d’he siloi .
Satoimaa tele .
Ihten prihan ougotin kod’he .
Toiba reguden da regudele satoimaa da kod’he toimaa hänen .
Kut kondjan rikoimaa
Veps
Southern Veps
Как мы медведя убили
Russian
– «
«
«