Texts
Return to list | edit | delete | Create a new | history | Statistics | ? Help
Kus miččed bounuhad i bolad kazvaba
Kus miččed bounuhad i bolad kazvaba
Veps
Southern Veps
Bounuhad kazvaba
pahemba koivištoile , ser’ankad ka i torhembile tahoile .
Oma käbedad bounuhad , ser’ankad ka nened sinižed , rižikad kazvaba ningoičed ku käbedalaze .
Babukad kazvaba .
Oma käbedad babukad i hahkad babukad .
Käbedad babukad kazvaba pahemba boruile , ledoile tahoile .
Vaaktad babukad kucuba kal’hikš babukoikš , sed kazvaba boruile .
Mustad babukad kazvaba pahemba torhile tahoile , somändikoile .
Bounuhad nagol’ pahemba kazvaba kuivile tahoile .
Bolad kazvaba .
Murmad ka sole , mustikad ka somändoile , hongištoole .
Nabolad ka pilitisile kunani , del’ankoile , mugaže torhile tahoile kazvaba .
Babarmod kazvaba i palatišihe i pi’itišihe .
A garbolad – sed sole nagol’ .
Kukičud mugaže soverile kazvaba .
Maazikad – ka sed jo ledoile tahoile , haamhile .
Hongad kazvaba kuivile tahoile , boruile , habad kazvaba logihe , pahemba torhile tahoile .
Sured kuzed ka kazvaba nagol’ torhele tahole .
Lepad kazvaba hämhile , koivud mugaže haamhile .
Tomid’ mejaa vähä , tomed kazvaba mustile maile pahemba , miš hobedemb ma .
A mejaa tomid’ ile pahoi .
Kadagi kazvab mugaže torhele tahole .
Nin’ kazvab habištho , mugaže torhele tahole , kuivale hän ii kazva .
Kazvab voo vahtar’ .
Sohein kazvab sole , a mahein kazvab hämhile , nä , habištos haamhed .
Kleverad ka kazvaba kodiš , pedeihe semendaba .
Soheinan sötaba lehmile , a kleveran pahemba heboile .
Kus miččed bounuhad i bolad kazvaba
Veps
Southern Veps