Texts
Return to list | edit | delete | Create a new | history | Statistics | ? Help
Kut mä mehele manin’
Kut mä mehele manin’
Veps
Southern Veps
Mel’hištimooiš , mehele
affat mända , a hälle affat naida .
Tänambei ehtoo priha basib mel’hine : «Mä ajan svathuzile sinulest ».
– «Aja ».
Kod’he tulin’ , jokselen ihastusiš : ženih ajab .
Mama , tata nägeba : «Min' hän sid’ niidiž tänambei tegeb , jokseleb , näahta , lavamu , meles läksi i bеsedale ii mäne ».
Jokselin , kulištin’ , poloo ti-li-li , til’ud ajaba , ženihod .
Joksin’ vastšin’ , ženih tul’ , zdorovkoičimoi ženihomu .
Samovaran lämhä .Laačha ištumei , seboiteleme , čükime ženihomu .
Mil’ jo basitu ka , tol’ko hälle otta , a mini mända .
Jokseleme bokha da toižhe .
Mam saab : «En tea – antta , en tea – ii antta , hän vou nor’ , tarbiž ouda kodiš ».
Tarbi mända , mitak ?Ženih tul’ ka .
Munaničun tekpa , ženihon söt’pa , jot’pa .
He jo basiba : «Pejad vou koume – eskai svarib ».
Koume pejad proidi , svarib ajei .Nevestan kormha i kor’ha , pojehali vencale .
Siga vencaiba .
Stavitihe ženihomu , tohusuded kädhe .
Ženih lendab , a mä vou , ženih lendab , mä vou .
A mida leta ?
Miše minun oliš käzi päle , а ii ženihun .
Minun tohusut ülähan , ka silei minä vanhemb linen .
A mä penemb ženihud , tarbi vou libuda , barbheižil’ libuda .
Vencad panoba pähä , mugoičen raadeižen koopakon .I pap basib siga :
«Affatou mäned ?».
– «Affatou ».
– «Affatou otad ?»
– «Affatou ».
A ed affatou mäne , eba venčai .
Nu venčaiba , kol’ceižed kädes kädhe (sor’mihe ) peremeniba i gotovo .
Sid’ jo astumei .Jäl’ghe siga astub kristiman , lepked pid’ab .
Edou vet’ jupkad oliba , tedad , madmu vedase .
Kankhan levitaba i muga pagastaspei miid’ i saataba polole .
Saataba , kor’ha ištutaba , sid’ jo ženihomu .
Kodiš jo stretiba , tanhale veibä hebomu .
Tanhoupei jo homaičin’ : vastou mašiba , kangaz levitetud .
Mičil’-se jüvil’ da heenhil’ miid’ d’o hloputaba , en teda mil’ .
Kristimam-se paikan andoi siga , mida-se pan’ i mest saatoiba i poduškoile ištutiba nevestan da ženihon .
Homaičin’ – jo andoiba kokatit’ paleižen söda .
Söda nevest jo surmaha tahtoi ka .
Saataba stolan taga , stolan taga ištumei ženihomu , mugoi čoma , poduškoil’ .
Kaik rahvaz joba šlokutase , tegeba karttad .A karttad tegeba , tarbi libuda i čuuktaze .Čuukitese , mest ištutei .Rožan-se poutab , oi mitte goreine .
Pordon ištuimei , söhtimei , johtimei .
Drušk ot’ kädes tabas’ , kunut kädes , kravat’ laditud .
Kravat’he mänin’ mel’hištmu , jo siga magadab mužik , kravatil’ .
Eba pästa kravat’he , tarbi vikupta .
Kunutou huišk-huišk , a mužik ii lähte .
Vikupiba , andoiba hälle vinad rümkan , mužik sigaapei valihe .
Eskai panimoi , kaks’ kerdad , koume stögniba kunutou norid i magada .
Homencou noustmaha astuba , mest jo kunutamu .
Noos’pa , mest stolan taga .
Podarkad kunutvardele paniba da dariba kaikile .
Kut mä mehele manin’
Veps
Southern Veps
«
Как я замуж выходила
Russian
– «
[
«
– «
– «
– «
[