Texts
Return to list | edit | delete | Create a new | history | Statistics | ? Help
Oli rad Saraškaa
Oli rad Saraškaa
Veps
Southern Veps
Oli
rad Saraškaa , Boruspää kahcan virstad .
Mä sigä radoen tervaa .
Tulin’ mä sina , minei lesnik i laošik basiba , što proedi kondi läviden taga .
«Me , basib , käelimaa , no hänt rikta emae voelen , emae voelen sabutada ».
Mä san : «Mängäm ».
– «Emae mäne , ii sabutada ».
– «Nu etae ka mänen iksnään ».
Sobime kebmašši i mänin’ .
Tulin' sile taholesae , miš he perduiba tagas .
A mä mänin’-se sen täht , što kondi oli krändü , sigä piliba mecan , he hänen noostiba eduu aegid’ .
Hän doožen kuna-se pandaeze voo kerdha udessae .
Nägen – nece kondi jo ičeze jäl’gimu pätiše , hutleb jäl’ged .
Mä jäl’goopää läksin’ i astun laptas .
Sid vzglänääzin hurha bokha ka hän seižub vidišteižes .
Mä ...iks’ jaag edele , toene jäl’goo , kut astuin’ suksil’ , muga i seežun .
Mä hänem päle nägen i hän minum päle nägeb .
Mä kirffen ven aapää hetin’ .
Ampta il’ ii ampta ?
Tariž jo ampta .
Muga-se mina en varaedanuiž , no minä oli oruz’j mugoene hond , mä avoetelin’ hänen naglaa .
Ambuin’ kerdan , a toežes svolaspää en ambun .
Kudaig mä naglaa avoiteleškanden ka sidaig hän minum päle tačise ka seb .
Nece kondi ani venošši kränihe da män’ edeleze .
Mä hänle jäl’ghe , suksed tačin , hänen jäl’gimu .
Sid mest perduin’ , ajoin’ suksil' .
Soo sabutaškezin’ .
Pimed teghe , nimida nägu ii .
No , mä saan , homen dobjin’ .
Jäl’goopää läksin’ , löözin’ kuivan mechaežen rudan .
Tehta lämoi da magata .
Fatime – spičkoed iile .
Läksin’ Saraškаlepää da , mä saan , bradiškanden kaeken en , inače kil’män .
Kompasumu mänin’ Saraškalepää , bradistin’ virstan miččen-se .Sil’mad umbištuba , enamb tagemba emboo astta nikut , mugoi uni-kulu , päevän kur’amati astun ka ihthe oektha .
Nu , mä saan , mi lib , a tariž mine ištuhtada , hengahtada .Kaks’ mugošt’ jurikkorvad ahavoo sordetu .
Mä nenile keskhe tungime , juriškorvile , ninga kikištuin’ , ištaezin’ , sil’mad umbištin’ .
Meles ani vähäžen ištuin’ .Sil’mad avaežin’ ka päevoo jo noozend .
Tähäsae divuime , kut mä en kil’mähtun , en mujan ni kut magazin’ .
Tol’ko meles umbištaezin’ , a sil’mad avaežin’ ka jo päevuško noozend .
Toežoo paevaa ma saan : «Mändä hänle jäl’ghe ».
Mugoene sä libįi da kaeken mecaapää lumen hlišši da kaek jäl’ged-gi katoe .
Inaaečen päevan vö astuin' , Saraškalesae kudaig doberime .
Oli rad Saraškaa
Veps
Southern Veps
Дело было в Сарашке
Russian
«
– «
– «
«
«