Texts
Return to list | edit | delete | Create a new | history | Statistics | ? Help
Eliba uk da mamš (sarn)
Eliba uk da mamš (sarn)
Veps
Southern Veps
Eliba
uk da mamš .
Kondi zavodi heidenost käädä .
Kerdan ehtaa uk da mamš ištuiba , ištuiba i sit pan’he .
Pan’he i magatas .
Zavodiba uindooda , kulišt’pa – ken-se värain taga stukičese .
Män’ba avaidamha .
«Ken sigä ?». – «Mä ».
– «A ken sä ?». – «Ka mä ».
He kulišt’pa , što kondi .He varagaas’pa molombad .
Hän stukučiškaaz’ , i he kaik sijad tuges’pa .
Hän stukičhe , stukičhe , sadaze ii sa .
Sid basib : «Etai avaida ka pertin’-gi mä teiden kändän i teid' sen ».
Mamš joks’ pert’he i basib ukole : «Ukoine , minak me tegeškandomai-se , kondi meid seb ».
– «Ka ankam hälle min'-n’i ».
– «Ka min’ me andamai ?».
– «Ka ankam hot’ hälle kanaine ».
– «Ankam ».
– «Mäne , mamš , anda kanaine ».
Mamš joks’ , kanaižen tači kond’jale .
Kondi män’ .
He pan’he i uinos’pa .
Homencoo noos’pa .Päivän eliba .
Ehtaa mest pan’hežoo .
Kulišt’pa – mest stukičese , mäniba avaidamha ka mest kondi .
Mamš joks’ : «Uk , mest kondi , basib , sen teid’ , etaa anda mida-ni ka ».
– «Ka minak me andamai-se ?».
– «Ka mäne , mamš , tači hälle busine ».
Mamš joksi .Tači busižen hälle .
Kondi män’ .
He mest uinos’pa .
Toižoo ehtaa mest tul’ nece kondi i mest ningaže stukičese .
Uk basib : «Minak me andamai-se ?».
– «Ka ankam vazaine ».
Tačiba vazaižen .
Kondi män’ vazaštmu .
He pan’he i uinos’pa .
Toižoo ehtaa mest tul’ kondi i mest pakičob .
«Minak me andamai ?».
– «Ka ankam jo lehmaine ».
Andet’he lehman .
Sid mest tul’ toižoo ehtaa kondi , he andoiba hebon .Sid ištuba i gor’uiba : «Minak me homen ehtaa andamai , ku kaiken živatan andlimai , enamb antta homen ii mida , tulob ka seb ».
Homencoo noos’pa , gor’uiba : «Tämbäi tol’ko meil’ ehthassai elo ».
Uk basibgi : «Davai pletimai puzun tobnemban da riputamai laghe puzun da hutimoi neche puzhu ».
Uk särahthid sai , puzun ani suren , kaatken , pleti i necen puzun riput’ laghe .
Varastaba ehtan .
Sid eht tul’ .
Uk da mamš pan’h’e .
Kondi mest tul’ i stukitaaze , stukitaaze .Jäl’gmää joks’ mamš avaidamha ka antta ii mida .
Joks’ uk , basib : «Minak me nigut’ tegomai ?
Sadaižem puzhu ?».
– «Sadaižem ».
Libuiba läaačhha i seinamu libuiba , libuiba , saihe ka puzu-se ihtele mehele tol’ko , kahtele ii kut puzhu sadaze .
Nu uk puzhu saihe i ištub puzus sigä .
A mamš pertiš joksendab : «Voi , ukoine , mindai nigut’ seb .
Voi , voi , ukoine , kunak mä nigut’ ?».
– «Ištte päčhe pigemba , ika sab ».
Kondi zaloškad mureez’ , jo astub pertaačes , a mamš pigemba päčhe saihe , päčilaadaa tugez’he da sigä ištub päčiš .
Kondi tul’ , kaikjaa horomoiš eči , nimiš i voi löuta ni ukod , ni mamšid’ .
Laačha libui , sada i voilend nečida ukod .
Lähteškaaz’ jo irdha , a mamš ii voilend proterpta i päčiš ku riktä da riktä .
Kondi vernihe da päčilaadan avaiž da mamšin vei ka tol’ko uk i nägi .
Uk jäi iks’näze i kol’ .
Eliba uk da mamš (sarn)
Veps
Southern Veps
Жили старик со старухой (Сказка)
Russian
«
– «
– «
– «
– «
– «
– «
– «
– «
«
– «
– «
– «