Texts
Return to list | edit | delete | Create a new | history | Statistics | ? Help
Millä l’eččiečet’t’ih
Millä l’eččiečet’t’ih
Karelian Proper
Tolmachi
z’inonboru ...kučutah
z’inonborukši kukkua .
On keldazet kukkazet hän’eššäh , l’ehyöt ewle šuwr’ikkazet .
Vrod’e polukruwgloizet .
Hyö kažvetah konuavoissa , konuavarannoilla i robivoloista ymbär’i i tuhjoloissa hyö kažvetah .
Hiän on l’ekarstvennoi trava , hienä .
Händäh juwvah ...
Kerätäh kukkaz’ie , kuivatah , zavar’itah i juwvah , žen juwvah prostudašta , hiän on prostudašta hyvä .
En’n’ein luajittih koissa čuajuo .
Luajittih vavarnon l’eheštä , i ruagua vavarnoz’ie kerät’t’ih , hän’däh hawvutah , kuivatah i ka šidä i juodih .
Hiän ol’i yl’en ...awtto prostudašta , rahvašta l’ečči .
Luajittih i buolan varvašta , tože kerät’t’ih buolan varbua kukkaz’inkena , tože hawvutettih , kuivatah i n’iin že juodih čuajuna .
Hiän yl’en hyviin tože pomogi prostudašta i hiän on potogonnoi i močegonnoi .
En’n’ein čuajuo ei juodu , a ol’i pačkaz’issa ...
Myöd’ih toko lawkoissa mal’inowkua i čikor’jua .
A bol’še ka kerät’t’ih ka toko travoida ...
Näidä heinäkukkie .
Hormaheinäštä kun luajittih čuajuo , hiän on ...kažvaw robivoloin šijoilla , korgie ves’ma i ualoizet kukkazet hän’eššäh .
I kerät’t’ih n’iidä kukkaz’ie i l’ehtyz’ie tože luajittih čuajuo , hawvutettih da kuivattih .
Ves’ma hyvä čuaju hän’eštäh ol’i .
En’n’ein hein’ie kaikenmuoz’ie kerät’t’ih , nu ...kumbazet oldih l’ekarstvennoit .
Ol’i ...kučuttih hebozen šuolaheinä .
Hyö kažvetah korgiešti , i häneh ladvazeh šuwr’imazet luad’iečetah .
Ka n’iidä šuwr’imaz’ie kerätäh , kuivatah , kukinnan jäl’geh ...da ...on hiän šual’istun , šilloin .
I ka n’iidä šuwr’imaz’ie tože zavar’ittih i juotettih žiivatalla , hiän yl’en awtto , konža žiivatta tädä ...paššandamah rubiew (смеется )...
Konža il’i notkuaw vačan äijäl’d’i .
Mul’čukkahein’iä en’n’ein tože kerät’t’ih l’eččiečiessä .
Hiän on ...mul’čukka .
L’ehtyz’ie kerät’t’ih en’n’ein tože , kerät’t’ih händäh ...
Kellä ka on yl’en narivat šuwret , märgiä luad’iw il’i kuin ...što žuaruo on äijä .
Ka žen pannah ...
N’iidä kerätäh , pannah , hiän ottaw žuaruo i čist’iw ruanazen määräštä .
Hiän i spruavittaw .
Bajar’iloida l’ečit’t’ih il’i že kaz’inkarvakši tože šanottih ...luwkalla .
Luwkan paissetah da ka šidä šivotah , i hiän pehmittäw i puhkiew že .
Il’i že s’ih rukah vielä l’ečit’t’ih : näčöt’etäh l’eibiä suaharonkena i ka žen pannah kibien piällä ...bajar’in , i že pehmenöw i puhkiew , i l’iew parembi .
En’n’ein toko l’eikatešša pellošša , ruista hot’ towguo , l’eikkuat ...popad’iw hairahuos’s’a l’eikata šormi , n’iin myö tože katkaimma rawdahein’iä i l’ehtyz’ie šivomma ruanazeh i yl’en hyviin i l’eččiw hiän , ei lašše zaraz’iečemah i parenow väl’iän .
Rawdaheinä ...kažvaw hiän ...ew korgie , a kukkan’e hiän on ves’ma jo äijä hän’eššä kukas’t’a , i valgiezet hienozet kukkazet hän’eššä .
Hiän tukkuzellah i kažvaw ...
Da , i hän’eššä varrut on ves’ma krepkoi , daže nasul’i i katkiew , katkuačow .
A l’ehyöt ollah hienozet , hienozet , kuin šanuo ...kun ukropan ka nämä l’ehyöt ollah , ka žen muozet vain .
Ka n’iidä i panemma toko ruanazeh , i hiän pomogiw .
Da , miän tätä n’iit’t’iässä kossan heit’t’i , rubei kivie eis’tämäh toizeh koh , popad’i puašn’alda kivi ...pois’ viškuamah .
I unahti što kossa venyw : peräwvyl’di kossah i l’eikkai kandašuonen .
I työn’däw meidä : mängiä lapšet , eččikkiä par’kie , kiskokkua par’kie i tuogua boikomma .
Myö i läks’imä , toimma .
I ka žellä par’kella šidoma hän’el’däh kannan i paren’i , parembi i l’ien’i .
Kežällä tože ägiellä il’i že konža on vihmakežät , varbahilla keššeštä ves’ma jo i l’ihawduw toko .
N’in ka myö tože l’eččimä : dorogalda kol’essun jäl’gi konža on kuiva mua , kol’essun jäl’l’ellä ves’ma hienon’e že l’ienöw ...šurvuočow že pölyzekši mua .
I ka šidä ottima dai pirottima , i tože l’ečči že .
A šidä ol’i kangahilla kažvo pölyheinän’e , pit’kä hiän on , pit’käzešti kažvaw i hän’eh käbyzet ...
Ših kažvatetah kun käbyzet .
I ka n’iih käbyz’ih pölyzet obrazuiččiečettih .
Ka n’iidä keräimmä i ka i n’e tože yl’en hyviin l’ečit’t’ih l’ihawvunnašta ...lapšilla i vanhemmilla midä ka konža šielä l’ihawduw .
Kärbäzen gribua tože en’n’ein kerät’t’ih l’ekarsvakši .
Kerätäh šl’iäppöidä , šidä mur’jotah da butilkoih pannah i pannah lämbymäzeh hän’en , propkikoijah štobi ei vozduha piäz’iis’ i lämbymäzeh i šeizatetah .
Že mor’iečow i šillä ka i voijetah konža rewmat’izmašta kellä jallat da kiät kivis’s’etäh , šillä ka i l’ečit’t’ih en’n’ein .
Kolguanua tože kerät’t’ih , tože travan’e ...heinän’e ewle hiän korgie , hän’eššäh on keldazet kukkazet .
A juwreh kažvaw ...ložien’e juwrut : a ka šidä juwrutta ka tože kerät’t’ih , muašta roidih i šidä ka hän’en kuivatah da murjotah i zavar’itah .
Hiän yl’en awtto tože kellä vačča kivis’t’i , uwttamah rubei , želutka rubei kivis’tämäh , hiän yl’en pomogi tože .
Lapšilla griiz’ie l’ečit’t’ih tože en’n’ein ...pywvetäh bruwvušta šuwren torokkanan muššan , buitto torokkanakši že šanuoči .
I ka žen laškietah vačan piällä lapšen .
Že kävelöw , kävelöw i löwdäw žen mestazen , mis’tä hänel’däh griiz’i purow .
Ka šiel’dä hiän ...ših piettyw i žen kohan ka i purow , fat’t’iw , i žen jäl’geh lapšella l’ienöy kebiembi i spruavieččow .
Jes’l’i kellä tože korvat kivis’s’et’t’ih il’i šil’mät ...šanuočie hiän zolotuha , n’in kal’inan korkua kabl’itah , ka šidä kuivatah i tože ka zavar’it’t’ih da i juotettih .
I hiän yl’en äijäl’di pomogi , awtto tämä l’eččie .
En’n’ein šywhymizeštä l’ečit’t’ih tože koissa ...rikillä .
Rikkie šurvotah ves’ma hienozeh , žen muigieh kuor’ieh ševotetah , šillä voijetah i väl’iän toko i paren’i .
Kadajan mar’jalla tože l’ečit’t’ih , kerätäh mar’jua , šidä zavar’itah i juwvah .
Hiän ves’ma awtto kellä počkat bol’noit i s’erca bol’noi , kumban’e ves’ma paizottuači .
Šillä i l’ečit’t’ih ...
Uwtannašta l’epän käbyö kerät’t’ih ...kuivaz’ie , kumbazet ollah kuivazet , kovazet .
I šidä zavar’ittih dai juotet’tih .
Hiän yl’en tože kr’eppi vačan , i spruaviečettih .
A kruas’ittih en’n’ein ...en’n’ein kruas’ittih , kerät’t’ih tože puwloista , virvan korkua .
Kabl’ittih , kuivattih , i ka žen zavar’itah palavašša veješšä i l’ienöw kruaska z’el’onovatoi , ves’ma šoma kruaska .
I en’n’ein ka šillä kruas’ittih langua kuduos’s’a i midä pid’i , šidä kruas’ie , kruaskua ewlun šilloin .
Šidä l’epän korkua tože ka šuadih .
I kuivatah i tože n’iin že zavar’ittih palavašša veješšä , i l’ien’i hiän burdowvoi ves’ma ruškie muššan kruaska .I ših tože kruas’ittih .
Šidä pedäjän ...n’et , när’ien käbyö kerät’t’ih , när’ien käbyllä tože .
N’iin že palavašša veješšä händä zavar’ittih , i l’ien’i ves’ma jo burdowvoi , t’omnoburdowvoi kruaska .
I ših tože kruas’ittih , ka täh en’n’ein i kruas’ittih .
Millä l’eččiečet’t’ih
Karelian Proper
Tolmachi