Texts
Return to list | edit | delete | Create a new | history | Statistics | ? Help
Meiden kuldad entiä kunna mändih
Meiden kuldad entiä kunna mändih
Ludian
Southern Ludian (Svjatozero)
– Nu
vot muštelit oli kuldad vai d’engad kuibo ?
D’engad oli , kuldat , kačo , ku häi d’etkal , näge .
Kävüimme müö ainos tännä nostoh kävüttih Pimenöusköikse zavodaks kirguttih da siid .
Neče oli moine suari Pinouskuoi , Parinskuoisuari , Parinskuoisuari kirguttih .
Kävüttih nostoh halgod nostamah .
– Se ende kolhozuoid vie ?
Ende , ende , ende , kr’aado ...
Siid minule oldih vie enzivuodet , nu enzi vuoded ol’d’ih ende kolhozuoit .
Enzi vuodet siid e kač oli minul se Vasil’ Ivanič oli , se vel’l’i da Paušši , nu da siid oli minui velli hänei vuitil da siid Ondr’ovan Vas’aks kirguttih Fominakse poigan da tuttärenker oli .
Siit hüö Parinskuoil sil suarel nostettih .
Se oli d’o konce lopuz neččidä kui sanoda augustat .
Tul’d’ih kačo on emämpäi-pruaznikke , konce dvacat’ vos’movo .
Hüö tul’d’ih emämpäin .
Siit heile sigä kač ej olnu , entiä midä pruaznikale toropittiheze kuläshäi pruaznikke pidi da kai , ei ostettu ni midä .
Hüö tuodih kuldat , meil viižrubl’ahižed ol’d’ih , moižet ku n’üg on kaks kopeikkat sen suurumat .
Heile zolotuoinnu maksettih .
Hüö otettih ned zolotuoit , kai oli viižrubl’ahižed oldih zolotuoit , sit hüö ned d’agettih po pajuid müöti , kem mil tuli .
Nu siid d’engad ned olgah tuodih kodih .
Siid oli moine huavuoine , da kat’erinad oli vie meiden d’etkal entiä miittumad net , ned dumskuoid d’engat vai entiä kui sanottih huavuoižez .
D’oga pühätpäit d’etka se da siid buabuška otetah , čitaitah , huavuoižeh ned zolotuoit pandah dai net kat’erinat pandah i entiä kunna peitetäh .
Ei ozutettu meil .
A siid d’o , kačo , minun ukko se lähti s’el’sovettah ruadamah da kai , se oli vahne pertti sel’sovetuoiz da kai ka , ka hüö rukovodittih niilüöid d’enguoit .
A siid d’älgele entiä kunna pani ned zolotuoit .
Eigo puututtu tüttärile , eigo poigile eigoni kunna , entiä kunna peitti , peitti peitti peitti , staruuha se kuoli , häi iče siiten .
Da vie oli Vasil’ Ivanič se ku ruaduoi häi neččigä l’espromhozas , norveškuoit kirvest oli kakse , da siit tuoi häi otpuskah tulou , siid pilat tuoi .
Net pilat peitti , dai nahkat peitti , dai zolotuoid dai , entiä kunna peitti .
Koncom sinnäi mändihgi , ei puututtu .
– Kouz oli kuolemaz eigo sanonu ?
Eigo sanonu ni d’o midä .
Emme ni voinu müö ni küzüdaa dani midä ič eigo .
Entiä muštanugo ei vai kunna pani vai midä , k enämbi ni kelle , ni tüttärele ei puutattu , ni vous’o entiä kunna peitti koncom .
– Nu opiittego eččidä vai midä ?
Ka kuzbo ečid ?
Minä siid opiin .
Häi kačo d’älgel oli bokkpertti meil stroittu , sigä opiin minä eččidä nenid e paččahiden .
Da d’oga šiiluižen da kai kačuoin ka , mäne tiedä kunna pani ka ei sua tietä ka .
Mouže sinnäi d’iädih kunna šiiluižih vai midä , zolotuoil ei äijät siat .
Nu huavuoižes .
Harmai moin oli , pikkaraine huavuoine ned osobi .
Oli šerst'anuoi d'upke heil tütär se kuoli , ferez oli šerst'anuoi siit helmankeskeh net pandah , katerinat .
A se osobi huavo .
D’oga pühätpäit čitaittih .
Mužikad mouže ongele libo kuz oldah hüo , ukko da akke ainos ikkunpielez niilüöit čotaitah d’enguoit vai ku , siit kačotah da d’ärilleh pandah .
Sinnä zolotoihuded mändih , entiä kunna .Kelle pu ni kell eipuututtu .
Häi peitti kunnatahto muah .
A siit , kаč , net kodit sroittih da kai da siid e kačo häi kuoli .
Da müö lähtimme d’o elämäh burlakaks dai akuirovaiččimokseh .
Dai män’t’iä kunna mändih .
Mouže siit kuz oldahgi ka .
– Ka edgo sinä , kus on nagriš kuoppat , oli teil sigä ?
Ka nagriškuoppiz еj olnu .
A män’t’iä kus häi pidi .
Nagriškuopad ol’d’ih meil loitton ka eihäi moižet suured oldu kuopat .
Häi sinnä ei vie kuldit , kui Ontuoi Mišan .
Talutteli kuldit ka muga häi män’t’iä kunna pani da siit sinnä kuldaižed mändih .
Vie ainoz muštelimme , k ei häi ni midä maininnu d’älgele mändih libo eimändü libo kunna mändih .
A moužet kelle anduoi .Mouže ...
Oli vora starikke k eigo kelle andanu häi .
– Kellebo voi andai ?
Ka mäne tiedä kunna ku ei , ei d’iävinü eid’iävinü vous’o niilüöit kulduoit ka .
– Mugai sid mändih ?
Muga mändihgi kuldat .
Meil a kačo Fominan ku sohranittihez da ol’d’ih ka siid e kuoli se Vas’a-starikke da kaika Nikitišnäle häi net kuldad d’iädih .
Ka kodin lidnah vedi da stroii ühtez vuodes stroii kodin .
Otti sanottih tože kaššaliz ol’d’ih peitos nečen keskes pertis sigä entiä , nu sviäzin da pertin keskes kaššalis oldih .
Ka puututtih sille Nikitišnäle , n’eveskäle .
Kuldad ned a meiden kuldad män’t’iä kunna mändih ni kell еi puututtu .
Meiden kuldad entiä kunna mändih
Ludian
Southern Ludian (Svjatozero)
Наше золото пропало
Russian
[