Texts
Return to list | edit | delete | Create a new | history | Statistics | ? Help
D’akun Timuoin Kattid sulhaštettih viidančat
D’akun Timuoin Kattid sulhaštettih viidančat
Ludian
Southern Ludian (Svjatozero)
– Nu
oldih kieran sulhaižet .
Nu sulhaštettih .
Sigä oli toko sügüz oli entiä , Pokrovan d’o d’älgele vai midä .
Siiten terväh hüö tul’d’ih sih sulhaštetah .
End oli muodo moine : sulhaštetah , pondravih dai kieraz i otetah iäre da .
Kačo , Viidanal , Pokrovaspiäi oma se t’el’ekkulu se , moine , hebo dai kai .
Ed häi siid hätkekse natravide .
Nu , siit küläs in’t’eresno : ”Oi , läkämme svuad’bot kaččomah !
Viidančat , Katti mänöu miehele D’akun Timuoin , kelle mänöu da kai ”.
Siid müö mänimme sinnä kai külä kerävüu kačotah : in’t’eresno kaččoj on .
Nu , sih stolah sih vähäine ugoššenii , azuttih da gostitetah da kai .
Ken heit siit naverno nene eigo tuodu nu oma rodu kentahto tuoi .
Siit starikke se oli , oi , Petrovičakse entiä kui kirguttih Čurkin se oligo familii Petrovič .
Häi ku nouzi , sigä stopkid da kai sanou ka : ”Kat’a , tule , vai sanou minun poige .
Kačo , ej ole paha , sanou .
Tule vai sanou ka müö emme palaižin saaharit süö , meill on škapampiäl sanou piät saaharit seižotah sanou , da čajud d’uomme , sanou , ainos .
Tule vai edelleh , Kat’a , sanou , älä minum Van’at-poigat paheksi .
Tule vai , sanou , ka meil škapampiäl sanou piät saharit seižotah , sanou .
Hot’ d’uonemme viinat , ka emme kaikkid d’uo .
Tule vai , sanou , rodih vie sille hüvä elädä nu ”.
Meil in’t’eresno to kundelta , midä sanou .
Nu siid i sanou ka : ”Ole vai vaikkani vie minä voin i pajattai .
Hoi , Kat’a , sanou , mänöugo pahaks mieleks sinule vai ei ?”
Nu , a siit ken andau miehele , ka häntte na : ”Oh , požaalusta , požaalusta pajata da kai ”.
Siiten : ”Oh , ja na bočke sižu , bočka katice , men’a paročka n’e l’übit , posle fatice .
Vot , Kat’a , sanou , nenga sanou pidäv Viidanal elädä ”.
Nu , a siit sem päin hänttei otettih sih .
I nüg on vie hengis .
Kačo , lapset hüvät suai dai poigad on hüvät , sigä Viidanal net sil’ Katil .
Dai eli kaiken igän .
A enämbi ku mäni häi sinnä miehele , ka eigor’ani kävünü ni pruaznikuoile dani mille Pelduoižih .
Pahaz elaigas pakui iäre ka , moužed’ i hüväi elaige oli sigä Viidanal hänel .
Vot mugomad oli .
D’akun Timuoin Kattid sulhaštettih viidančat
Ludian
Southern Ludian (Svjatozero)
Виданцы сватали Катти Тимуоя Дякун
Russian
[