Texts
Return to list | edit | delete | Create a new | history | Statistics | ? Help
Jäin mie...
Jäin mie...
Karelian Proper
Vesyegonsk
Jäin
mie muamošta kakšivuod’in’e .
Pid’i kažvua miwla muačihanken .
Muačiha milma obiid’i , obiid’i .
A vs’otaki kažvoin mie muamonken , kažvoin do dvatsat’i , kahtehkymmeneh vuodeh šuaten mie muamonken kažvoin .
Šiil’d’ä l’äks’iin mie miehel’l’ä .
Milma obiid’ittih , konž mie ol’iin pien’i .
Milma , konž mie ol’iin pikkaran’e , dvuhgodowvoi , milma tahottih šuattua meččäh .
Muamo šanow : ”Šuata meččäh , en rubie el’ämäh , kun’i et hän’d’ä šuata meččäh !”.
Muačiha , nu da mama , s’orovno , muačiha šanow , što ”En rubie el’ämäh , uijin pois’ !”.
Tuatto viikon hlopotals’a , što ”En šuata , en šuata , hiängo meid’ä obiid’iw , kakšivuod’in’e ?”.
No s’ože soglas’s’iečih šuattamah .
Heboz’en val’l’ašti , tul’i – mie maguan pos’t’el’illa .
”A kunne , šanow , hän’en myö , t’ämän muoz’en pien’en , šuatamma , šanow .
– Hiängo meid’ä obiid’iw ?
Vet myö puwtumma molen , šanow , kun šuatamma hän’en meččäh !”
– ”A šanomma , što T’er’pigorašša gos’t’išša on , dai , a šiid’ä hot’ ...”.
– ”A t’erpigoroin’e tullah , šanotah , mis’s’iä on Iro ?”.
– ”Emmä t’iijä , t’eil’ä l’äks’i , a kunne hävii ?”.
– ”Män’ie !.. En šuata , en šuata meččäh !”.
Nu , t’ämän kerran mie jäin , meččäh ei šuatettu .
Mie kažvoin ...Jo ka kažvoin , aiviin käin pod’onšinoih .
Pod’onšinoih mie postojanno käin .
Rahvaš šuor’iečetah , šuor’ivot hyvät , a miwla šuor’ivuo ewle .
Miwla karuz’et šuor’ivot .
T’äd’it annetah , da t’äd’ien šuor’ivoloišša kävel’en .
Rahvaš karratah , i veššel’ät , udalat , a mie kuin rowno šyl’giet’t’y , rannašša .
A gul’aija s’orowno himottaw : šomuš ewle yks’i , a nuoruš kaikilla on yks’i !
Kaikilla himottaw gul’aimah , ka n’iin mie nuoruon aijan , ka kojokak i provod’iin .
Šiid’ mie män’iin miehel’l’ä .
Miehel’l’ä män’iin .
Miehel’l’ä miwla ol’i kakšitoista hengie pereh .
Jo konž šiih šua myö eliimmä , l’ien’i šešnatsat’ , kuwžtoista hengie pereh , eroimma rannalla , rubeimma el’ämäh , oma polosta ...
N’i mid’ä meil’ä ewle , kaikkie pid’äw oštua , naživie , kojokak i el’äwvyimmä , lapšet kažvettih , kažvatiin .
Rubeimma el’ämäh n’ičevo .
Jäin mie...
Karelian Proper
Vesyegonsk
Осталась я...
Russian
-
– «
– «
– «
– «