Texts
Return to list | edit | delete | Create a new | history | Statistics | ? Help
Enžis’t’äh ajelemma...
Enžis’t’äh ajelemma...
Karelian Proper
Vesyegonsk
Enžis’t’äh ajelemma
t’yt’öl’l’yöh bes’owdah .
T’yt’öt kezrät’äh langua , a myö , brihat , istuočemma t’yt’t’öil’l’ä rewnah .
Jogohine oman t’yt’ön ottaw , rubiew pagizemah .
Illalla issumma čuasuo kakši .
Lawletah virt’ä .
Kuin koz’ita t’yt’t’yö , l’äht’öwgo mučokši , kyžyt’äh .
A hiän ei l’ähe , n’iin enämbie el’ä tule .
A kuin l’äht’öw , to viel’ä kuččuw , andaw min n’i veššoista : käz’ipaikan , fatan .
Briha ottaw .
T’yt’t’ö kuččuw toiz’ičči bes’owdah , hiän kun’i kyžyw tuatolda da muamolda .
Da .
Tois’ildana männäh brihat .
Ka i šilloin i paissah , l’äht’öwgo .
T’yt’t’ö kuččuw tulla tuatonke heil’ä svuattoloiks’i brihan omie .
Tuatto i muamo , vel’l’et l’äht’iet’äh , konža ket , ked’ä on .
Männäh t’yt’ön kod’ih .
Ka šiel’ä i tolkuijah .
Brihan tuatto kyžymäh rubiew t’yt’ön tuatolda da muamolda : “Ka myö tul’iimma t’eil’ä .
On t’eil’ä t’yt’t’ö , meilä mieldyw , a meil’ä on briha .
Eigo voi yht’yö ?”.
T’yt’ön tuatto da muamo annetah jo šiel’ä t’yt’t’yö .
T’yt’t’ö l’äht’öw .
Tuatot i šanotah : ”Rubiemma jumalalla s’il’mie r’is’t’imäh ”.
S’il’mät ris’s’it’t’ih , istuočetah stolan taguah .
Šulahane n’eičyönke rewnah istuočow .
Omahizet žežo istuočetah .
Ruvetah juottamah , šyöt’t’ämäh .
Šiid’ä paissah , kuna piäna svuad’ibua kizuamah ruvetah .
Ka brihan tuatto i šanow : ”Hot’ n’ed’el’iks’i jät’ämmä , kun’i varuštal’iečen , svuad’ibah varoin olutta keit’t’iä , huoldua pid’äw kaikkie ”.
N’eiččyöšt’ä päin šanotah brihalla : ”Ka tulet kolmen päivän jäl’geh t’ied’el’emäh n’eičyt’t’ä ”.
N’eičyönomat varuštuačetah .
Briha i ajelow šinne t’ied’el’emäh .
N’ed’el’in päivät t’iäl’ä varuštuačetah .
Kučutah n’eičyt’t’ä venčalla kir’ikköh .
N’eičyön tuatto i muamo venčalla ei ajella , a omahizet vain .
T’iäl’d’ä päin žežo brihan omat l’äht’iet’äh heboz’illa kir’ikköh .
Tuatot ei ajella .
Brihalla i t’yt’öl’l’ä on s’eizatettu n’äre , šomennettu kojin kohašša .
Jäl’geh venčua tullah šulahazeh .
I n’eičyšt’ä päin tullah t’yt’ön eloloinke omahizet .
Tuatto i muamo ei tulla .
Kizatah svuad’bua šulahazešša : piruijah , karratah i lawletah viržil’öid’ä i kaikkie ruatah .
Ollah šulahazen talošša yön , a huomnekšella juolletah i l’äht’iet’äh kod’iloih .
N’eičyt jiäw šulahazešša .
Jäl’geh t’äd’ä t’yt’ön omat kučutah n’iin že gos’t’ih .
Šinne l’äht’iet’äh i tuatot monella hebozella .
Šiel’ä gul’aijah suwtkat , muatah .
Tois’piänä gos’t’at l’äht’iet’äh kod’ih , a nuoret vähäzekši jiähäh t’yt’t’öh , a jäl’geh tullah tuaš šulahazeh i ruvetah el’ämäh .
Enžis’t’äh ajelemma...
Karelian Proper
Vesyegonsk