Texts
Return to list | edit | delete | Create a new | history | Statistics | ? Help
Ka miän kyl’än luona...
Ka miän kyl’än luona...
Karelian Proper
Tolmachi
Ka
miän kyl’än luona on kalmiz’o , n’iin metrua kakši šadua kyl’äšt’ä .
N’i ken ukkoloista ei t’iijä , konža on šin’n’e rahvaš kät’kiet’t’y .
Kuol’iet on kät’kiet’t’y madalalla , piäl’d’ä päit’en san’t’imetrua kuwžikymmen’d’ä , i piäl’l’ä on pandu ves’ma šuwret kivipl’iitat .
Jaku-d’iäd’ö , miän kyl’äšt’ä , kaivo , ečči uarrehta , n’iin mie iče šiin’ä ol’iin brihazena .
Šai hawvašta luwt i šiel’ä ol’i happanomatta šargan’e kod’ikuvottu hattara .
Hiän kaivo vain jalgaluwt , uarrehta ei puwttun , i kaivannan Jaku-d’iäd’ö hyl’gäi .
Jalgaluwt oldih šuwret , pit’ät ...
Jalgua myöt’ n’ägyw , što ris’t’ikanža ol’i ves’ma šuwr’i .
Toin’e kalmiz’o on mečäššä , mečän alla , kyl’äšt’ä virštua viiz’i .
Šil’l’ä mečäl’l’ä jo on vuotta kolme šadua .
Šiel’d’ä n’i ken ei kaččon i kaivan kalmiz’uo .
T’ämä kalmiz’o on iel’l’izen järven l’äššä .
A n’yt že järvi on šuona , voit kävel’l’ä .
N’i ken ei t’iijä , ket šin’n’e on kät’kiet’t’y .
T’ämä kalmiz’o on Sujet’ihan tagana , virštua kolme .
Ukot šanotah , što järveh on jiänyn veneh kaznankena , iel’l’iz’iin rozboin’ikoin .
Ukot ečit’t’ih , no veneht’ä l’öwvet’t’y ei .
Miän d’iedo šanel’i , äijät ečit’el’d’ih , no l’öwvet’t’y ei .
T’äl’l’ä mestalla , kyl’äšt’ä viršal’l’ine , on bajar’in bruwdu , i l’öwvet’äh kyn’n’et’yl’l’ä mualla kirpiččiä ; no n’i ken ei muisa , ken ol’i bajar’i i konža el’i , n’iin kuin miän kyl’ä i Sujet’iha bajaršinalla ei el’et’t’y .
Sujet’iha on eron miän kyläšt’ä .
Kel’l’ä ol’i kirpičäšt’ä huonehuš , hiän el’i šiel’ä en’n’en miän kyl’iä .
Konža kyl’ä t’änne tul’i , šiel’ä taloloida i huonehukšie kirpičäšt’ä ewlun , a bruwdu viel’ä ol’i hyvä .
N’yt bruwdu män’i šuokši .
Šuwr’i bruwdu ol’i , yks’iinpuol’iin on šada metrua , a toiz’iinpuol’iin šada l’iz’änke on .
Kyn’d’iäs’s’ä bruwdun kohašta muada puwttuw kirpiččiä i rawvas’t’a rengin pangua .
A kirpiččä puwttuw ruškie .
En’n’en t’iäl’ä kažvettih tammet , vašta ei ammuin yks’i on langennun , ložehutta ol’i t’yveštä d’iametrua myöt’en metrua puol’itoista .
Nagolo , ket aššuttih , käz’il’l’ä mittual’d’ih ymbär’i ložehutta .
Ka miän kyl’än luona...
Karelian Proper
Tolmachi