Texts
Return to list | edit | delete | Create a new | history | Statistics | ? Help
Lapšin viržyz’ie
Lapšin viržyz’ie
Karelian Proper
Tolmachi
1. Kiz’izen-b’iz’izen ,
el’ä
mäne T’imolah :
T’imon-akka kowkulla ,
iče T’imo möwkyl’l’ä ,
lapšet lačakat ,
vačat pul’čakat ,
lawčan alda ajetah .
2. Roštuo – nowštuoh ,
šil’min peštyöh ,
kakkara käd’eh
voiluatka ed’eh .
3. Iva , kuva , taita ,
ei n’i mid’ä malta .
4. Briha kuin bajar’i ,
n’en’ä kuin fonar’i .
5. Uinuo , uinuo , šil’män’e ,
el’ä kuwle korvan’e .
6. Vihmuw , valaw ,
papin pino palaw .
7. D’edo , d’edo ,
makša vedo :
tullah stražat ,
mywväh važat .
8. Čiron’e-čoron’e ,
tule miän pihalla ,
šyöt’än , juotan ,
skammizella issutan ,
šillan korvašša l’ebäwt’än ,
goran alla šuatan ,
ruwčan tagah ehät’än ,
kandozella šeizatan ,
ver’ejän šagaralda kačahan ,
jal’l’es’t’i muhahan .
9. Ukko , akka el’et’t’ih ,
s’iromiät’t’ie vejet’t’ih .
S’iromiät’t’i lopn’i ,
ukko akkua tropn’i .
10. – ”Vas’a vel’l’i , vara vel’l’i ,
val’l’aššuakko hebohut ,
yl’či kyl’än čurahamma ,
omua immuo kačahamma .
– Mid’ä immo ruadaw ?
– Šulkuplat’jua ombelow ,
nieglas’t’a pid’el’öw ,
rihmas’t’a ved’el’öw ,
ikkunah kačahtelow .
Ubehuon myö piet’ämmä ,
oman immon issutamma ,
poikki pellon ajallamma .
11. Šuarnua-vuarnua ,
kiberiä kowkkuo ,
l’yngiä l’eppiä ,
palavua šeppiä .
12. Yks’i kakši – kar’ielakši ,
kolme , n’el’l’ä – ven’iäl’äkši ,
viiz’i , kuwži – nuat’t’i uwži .
13. L’iekulla l’iedžuttaw :
vaččua kučuttaw ,
Harakka hačattaw ,
milma pagawttaw ,
kaikki šubi muissan ,
piäl’l’ä puissan .
14. Ukko jyräht’äw ,
mua šäräht’äw ,
tulda räis’kiäw ,
ked’ä präis’kiäw ?
15. Pei-pei , pežos’t’a ,
mun’i kana jäičäs’t’ä :
t’äl’l’ä ando , tuolla ando ,
šil’l’ä ei dostuan’iečen .
16. Baju-baju , poijas’t’a ,
vows’o joi šomas’t’a :
sadujuablokas’t’a ,
viišen’ja marjas’t’a ,
smorod’ina šil’mäs’t’ä ,
kružown’ikka čukas’t’a .
17. Baba lašta bajuttaw ,
jallalla kät’yt’t’ä l’ekuttaw ,
pid’äw kahella kiäl’l’ä
da kaikella viäl’l’ä .
18. Pei-pei , pežos’t’a
keššel’l’ä L’ežos’t’a ,
L’indaz’issa – L’induz’issa ,
Šalošša – Maloz’issa ,
Kočkašša – Dan’oz’issa ,
Os’os’s’alla – Kuwkolkašša ,
Puas’inkoissa – Puwšorkašša ,
Kaškipuwsalla – Man’ičašša ,
Prudovoilla – Daničašša ,
Hallalla – Pres’n’akašša ,
Kutuwzovašša – Ruоččilašša .
19. Vihmuw valaw ,
T’epon-akka palaw ,
stanovoi koččiw ,
stuarosta ajaw poččie ,
hiir’i ved’äw kakkarua ,
kaz’i ved’äw hattarua .
20. Čirku-čirku čirajaw ,
čirku viluo varajaw .
21. Lapšella l’äht’iet’äh maidohambahazet , šijah kažvetah l’eibähambahat .
L’ekkujan hambahazen riwhtuallat kekšimät’t’ä , annat lapšella i käššet piäštä piäl’ičči kiwgualla luwva , luwvešša šanuo :
”Hiirel’l’ä puwhin’e ,
miwla luwhin’e ”.
22. Buwgannow lapši oččazen lawččah , molotkazella bal’l’annow omuadah šormutta , šatattannow jalgazen – pid’äw puhuo kibuz’ua kohas’t’a da luvetella n’äin :
”Hiirel’l’ä kivis’t’äkkäh ,
lapšella parekkah ,
jän’iks’yöl’l’ä kivis’t’äkkäh ,
lapšella parekkah ,
hukkazella kivis’t’äkkäh ,
lapšella parekkah !”
I parenow .
23. Kun lapši it’kennöw yöl’l’ä , n’iin hil’l’akkazeh nowže , unetta-iänet’t’ä ota omaš vyö , pane kakšinkerroin , ožualdele i jogo kerdua šano :
”Perran šilma vyöl’l’ä –
magua lapši yöl’l’ä ”.
Alewduw dai uinuow .
24. Kun lapši yl’eht’ynnöw , ei kuwnnelle šanua , pid’äw ottua kolme yhekšiä varvas’t’a vaššašta , ožual’l’a i šanuo :
”Ana hyviä hajuo ,
ana hyviä miel’d’ä ,
avua korvat ,
kuwle šana !”.
25. Kuin baba armaštelow vunukas’t’a :
1.Šyöt’t’iä-lapšut .
2. Baban päd’övän’e päivän’e .
3. L’iivaš l’indun’e , l’iipukkan’e .
4. Kal’l’is kannettun’e .
5. Kul’l’ittu kuldan’e .
6. Ainovan’e armahan’e .
7. Baban taivaškivitahkon’e .
8. Kal’l’is taimenut .
9. Andawgože baba omalla vunukkazella puččie , pipie , päppiä , andaw juwva ummua , šuaw palavua man’n’ie ; pruaz’n’iekakši ombelow baba uwven pupun .
Lapšin viržyz’ie
Karelian Proper
Tolmachi
”
”
”
”
1.
Образцы детского фольклора
Russian
[
[
[
[
«
«
«
«
1.
2.
3.
4.
5.
6.
7.
8.
9.