Texts
Return to list | edit | delete | Create a new | history | Statistics | ? Help
Pagin d’uamal
Pagin d’uamal
Ludian
Southern Ludian (Svjatozero)
Siid
müö sigä d’uamal olimme , Riiselgäz üölüöid magažimme .
Tulemme d’uamale ...
Sid erähäm päin T’eren’t’evan Ivan Ivanič (se oli , kačo , piälikönnü häi siit küläz ) mille kirguu : ”Ka , Ignat’ouna , tulevai , sanou , murginat keittämäh , d’ogo , sanou , murginoičet ?”
- ”Ka murginan aige on ka vou la tuldagi .
Midäbo la minä keitän , minul la еj ole ni midä keittämište keräl .
Ühtel on la vähä ”.
Sanou : ”Keitä vereste kalad da čajut keitä da kai ”.
Nu , minä seičas - piälikkö kuččuu ka pidäu keittädä .
Keitin siit , čaajun zavariin , kalat keitin kai , tulou belovard’eiskuoi se oficer .
A entiä suomeks pagiži , еj ole ven’alaine , naverno on häi suomelaine ali amerikanse on , vai entiä mi on , a toko suomeks pagiži .
Siid sanou : ”Tämä kenembo on ihmine ?”.
Sanou : ”On ühtem miehen , sanou ” - se Ivan Ivanič sanou .
- ”Kuzbo hänen on miez ?”
Sanou : ”Hänem miez on sanou krasnuois , nu ”.
Siid enämbi se oficer eini midä virka , a se sanou Ivan Ivanič minule ka sanou : ”Tiedätko kuz on Paušši ?”
Minä sanon : ”En tiedä ”.
- ”Tiennet , sanou , k anda tulou kodih , sanou da elämäh täh , da kai , sanou .
Kačo , sanouk on täs ristitüt hüväd ned belvard’eičad da kai , d ei rodide ni midä , kuču , sanou , iäre kodih ”.
Minä sanon : ”Em minä tiedä ”.
- ”Ka sinul , sanou , rodih trudno elädä : lapsed da kai ”.
”Ka rodigah la trudno libo midä tahto , k entiedä la ni midä en tiedä la .
Eigo kävü da engoni miitutte izvestida ”.
Siit se suomelaine sanou : ”Ihmine , sanou , tiennet , sanou , häi miehen sanou kuču häi pois , sanou , ännä kodih sanou .
Älä varaida , sanou , ei rodide ni midä sanou da kai sanou , anda sanou omal täs mual on da kai ”.
Opät’ küzüu , tiedät en la tiedä ...
Minä vai sanon : ”En tiedä la , ni midä en tiedä .
En tiedä la engo tiedä la ukkot .
Engo la midä , lähti ka ni mid en tiedä eigo la izvesno ”.
Siithäi kodvaine proidii dai se diedo meiden tuli sigä nečis piäi .
– Podvoduoispiäi ?
Podvoduoispiäi , siithäi häntte .
– A sinul ukko d’o kävüi da kaks kierat ?
D’ oli ukko kodis minul kaks kierat d’ olnu , ka minä en sanonu ni midä , en sanonu ni midä ni midä .
Vai sigä duumain , ette tüö la tiedä midä minull oli ukko kaks kierat kodiz olnu .
Pagin d’uamal
Ludian
Southern Ludian (Svjatozero)