Texts
Return to list | edit | delete | Create a new | history | Statistics | ? Help
Kuin šuaha rebuo
Kuin šuaha rebuo
Karelian Proper
Tolmachi
Rebuo
šuaha pid’äw mahtua .
Jes’l’i koiranke l’äht’ie , n’in hyppel’ywt’t’äw , i koiran vaivuttaw i iče vaivut l’öt’ökši .
A paraš az’ie – koiratta .
Miwla ružja ol’i bel’giiskoi .
Yhä hyvä ružja , zvolat , kuin z’irkalot , i ambuw ed’äh , a tapa ei .
Ruan’iččow , ver’i vuodaw , a tapa ei , n’i konža et tavota ammuttuo z’vier’ie .
Vanhat ohot’n’ikat miwla sovietuidih kal’ie .
Ka mie zvolan erotiin i pan’iin kiwguah , l’ämbiehyöh ; zvolat oldih juotettu vaššella , voičči palavoittua .
Palavoitiin n’iin , što zvolat rus’s’ottih .
Mie n’e ved’eh .
Nu rubei ambumah , n’in vier’ie ei šua : za sto dvatcat’ šagow – ei l’ekaha .
A verd’ä – hot’ kuapl’azen laškiis’ .
Ka šilloin mie annoin reboloilla ägied’ä .
A pywd’iä heid’ä yhä prosto .
Ota s’viežoi jäl’gi , al’i kohti aššu , vain huavua , štobi ol’iis’ rebo .
Aššu hil’l’akkazeh , štobi ei pöl’l’ät’t’iä .
Kuin vain dogad’iit : kočahti rebo – šie hiiren rukah piičku .
Iče hot’ awgiella šeizo , vain el’ä l’iiku .
Kuin vain kuwlušti piičkun’ehen – piet’t’yw , ed’eh tulow .
Ris’t’ikanžan duwhu hänel’l’ä tulow , no ei šua rozber’ie mis’t’ä , jes’l’i et l’iiku .
A eččimät’t’ä jät’t’iä – ei fat’i vägie revolla .
Mulloin mie talvešša kakšitoista rebuo tapoin .
Jawhuo , i suaharuo , i mat’er’jua , i äijän muwda polučiin .
Rebo on yl’en herka tappua , vain hot’ yhel’l’ä drobuzella koškuw , n’in jo kirbuow .
Kuin šuaha rebuo
Karelian Proper
Tolmachi
Как ловить лисиц
Russian
[
[