VepKar :: Texts

Texts

Return to list | edit | delete | Create a new | history | Statistics | ? Help

Striäpind

Striäpind

Ludian
Mikhailovskoye
Kačo, naižel ende pidi I emaguoita kodis.

Kodiš dai emaguota. Naižel’e ezma pidi l’eip pasta. Pühäpäivän emaguota. Ščipanikat emaguota, kolobad emaguota. Kons pruaznikad oma ka nämad i pir’gad azuda. Kons tuloba n’ämat, bohatembat gost’at, a siid ve d’uodihe da kai ka viinat ei d’uodut a nügüö tuloba ka. Leip palaine pane da viin pane, a muud ei eičkuo.

Miidmat ščipanikat ol’d’ih, kui azuttih niit?

Ščipanikat? Širšn’aižet ninkomaks. azel’t’ih hoikaažeks ninka rouno. Nu, a siit t’ähä paneba mit’t’e sil’e i südäm pidap. A kolobad nenga täpetetah t’äman suurumat.

Siid d’älgimäi päččih pandah.

Ka päččihe pan’d’ihe protivuol’e, päčiš. Küpsettihe da tuodihe. Stala ende n’ämit kl’ejonkuot ej ol’e, stol oli libo. Muguon’e laud oli, laudal’e da laudal’e panoba. Voipada ninkun’e kilovik. Da siit voitaze, da ken ku voidap ka se voidap ičel’e magedaks kaik t’äga vuodap ku.

I ordel sinne viršših.

Nu ordel’e viršil’e. Siga piä kel ka ve tipputaze. Voi se tippup. Muga om olnu. Kai t’eil siga om mug ounu eräsel kunambat bohatat taluod ol’d’ihe.

L’eibät pidi paštai.

Ka l’eibat i kai.

D’oga nedäli vai mi kui?

D’oga nedälil kel suur’ pereh ka d’oga nedalil. Päivän et pašta toižen piäp paštta.

Se taigin pidi se azuda?

Taigin taigin vet suur’, t’äman surt oli ka sigä d’o naladitut kaik. Sen ehtän i naladit veden dai seguotad dai huomesel. Muam l’ehman lüpsap da kaik dai tulop sot’kaadab dai, päčin l’ämha dai ket. Ka d’uodaltaze, süömältaze dai mecha häin pašmaha i diäp kodihe. Da siit müöta tulop sinne libo äigemba nouzop. Kel huba pereh ka äigemba а kel suur’, ka pidap muud ruata ed d’ouda. Ende mait päčis hauttihe rahtoks pan’d’ihe päčis maidot. A siit voit suitat ka pidäv vet’ pieksta.